Сабіла (імя)

Сабіла (Сабела, Сабуль, Забіла, Забела, Забель, Жабела) — мужчынскае імя і вытворнае ад яго прозьвішча.

Sabilo
Паходжаньне
Мова(-ы)	германскія
Утворанае ад	Saba + суфікс з элемэнтам -л- (-l-)
Іншыя формы
Варыянт(ы)	Сабела, Сабуль, Забіла, Забела, Забель, Жабела
Зьвязаныя артыкулы
якія пачынаюцца з «Сабіла»

Паходжаньне

Асноўны артыкул: Імёны ліцьвінаў

Сабіла або Сабула, пазьней Забэль (Sabilo, Sabila^[1], Sabulo, Sabel^[2]) — імя германскага паходжаньня^[3]. Іменная аснова саб- (імёны ліцьвінаў Сабіна, Шабэр; германскія імёны Sabine. Sabherus), магчыма, паходзіць ад асновы саў-^[4] (імёны ліцьвінаў Савіла, Савігайла, Саўгут; германскія імёны Savilo, Savigello, Savegodo).

У Польшчы ў 1506 годзе і ў XVII ст. адзначалася прозьвішча Sabela^[5].

Варыянты імя ў гістарычных крыніцах: Ян Забелич^[6], Янъ Забеличъ… Микита Забеличъ самъ. Василь Забеличъ самъ. Анъдреи Забеличъ самъ^[7], Забела Петрашевич^[8], Мартинъ Забеловичъ^[9] (1528 год); Ян Забелич (1524—1566 гады)^[10]; дворане господаръскии… Янъ Забеличъ (13 лютага 1540 году)^[11]; Матеи Забеличъ (1565 год)^[12]; слугу Матея Забилича… Матей Забеличъ… Матусъ Забела (1567 год)^[13]; do starszenstwa w cechu Sabiły… przez Andrzeia Sabiłę, starszego… Andrzeia Sabiły (1642 год)^[14]; Antoni Sabulewicz (1806—1816 гады)^[15]; Sabiłowa Prakseda (1874 год)^[16]; Sabiło Jerzy (29 сьнежня 1893 году)^[16]; Sabiłło Felicyjan (8 кастрычніка 1908 году)^[16].

Носьбіты

• Ян Забеліч — рудамінскі баярын, які ўпамінаецца ў попісе войска Вялікага Княства Літоўскага 1528 году
• Ян, Мікіта, Васіль і Андрэй Забелічы — ваўкавыскія баяры, якія ўпамінаюцца ў попісе войска ВКЛ 1528 году
• Забела Пятрашавіч — расенскі баярын, які ўпамінаецца ў попісе войска ВКЛ 1528 году
• Марцін Забелавіч — коршаўскі баярын, які ўпамінаецца ў попісе войска ВКЛ 1528 году
• Флор Сабіла — шляхціч Менскага ваяводзтва, які ўпамінаецца ў 1765 годзе^[17]
• Эрнэст Сабіла (1932—2022) — беларускі пратэстанцкі рэлігійны і грамадзкі дзяяч, дысыдэнт

Сабілы — прыгонныя зь вёскі Сівіцы (Ашмянскі павет), якія ўпамінаюцца ў XIX стагодзьдзі^[18].

Забяловічы (Zabiełowicz, Zabiałowicz) — прыгонныя зь вёсак Даўбянаў і Ёдзішкаў (Віленскі павет), якія ўпамінаюцца ў XIX стагодзьдзі^[19].

Жабяловічы (Żabiełowicz) — прыгонныя зь вёскі Павалкаў (Віленскі павет), якія ўпамінаюцца ў XIX стагодзьдзі^[19].

Сабелы — парафіяне царквы ў Лапічах (Меншчына) на 1870—1883 гады^[20].

Сабілы^[21] (Sabiłło) — літоўскі шляхецкі род зь Вільні^[22].

Сабулевічы (Sabulewicz) гербу Лебедзь — літоўскі шляхецкі род^[23].

Забілы (Zabiło) — літоўскі шляхецкі род з Троцкага павету^[24].

Назву Забелішкі маюць два хутары на гістарычнай Віленшчыне, назву Забелы — вёскі на гістарычных Случчыне і Полаччыне.