Савігайла

Савігайла (Салгел) — мужчынскае імя і вытворнае ад яго прозьвішча Саўгел (Саўгял).

Savigello
Паходжаньне
Мова(-ы)	германскія
Утворанае ад	Soava + Gelo
Іншыя формы
Варыянт(ы)	Саўгел, Салгел, Саўгял
Зьвязаныя артыкулы
якія пачынаюцца з «Савіґайла»

Паходжаньне

Асноўны артыкул: Імёны ліцьвінаў

Савігела (Savigello^[1]) — імя германскага паходжаньня^[2][3]. Іменная аснова саў- (імёны ліцьвінаў Савіла, Саўгут, Саўконт; германскія імёны Savilo, Savegot, Savegonte) паходзіць ад гоцкага і бургундзкага sauil, старагерманскага sowila 'сонца'^[4], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[5]. Такім парадкам, імя Савігайла азначае «жвавае сонца»^[6].

Варыянты імя ў гістарычных крыніцах: Sowigailo Vginth (6 сьнежня 1410 году)^[7]; domino Sowigal cum filio Narcone (1 жніўня 1439 году)^[8]; domino Petro alias Sowigal… domino Narkone Sowigalowicz (21 кастрычніка 1440 году)^[9]; з бояры еишискими, с Наркомъ Совкгаиловичомъ (травень 1503 году)^[10]; Миколаи Совкгоилович (29 жніўня 1524 году)^[11]; одъ дятка Венцъслава Совъкгела (1565 год)^[12]; земянину нашому Венъцлаву Совъкгелу (5 студзеня 1566 году)^[13]; Еронимъ Юрьевичъ Солкгеловичъ^[14], отъ Венцлава Мартиновича Совкгяла (1567 год)^[15].

Носьбіты

• Нарка Савігайлавіч — эйшыскі баярын, які ўпамінаецца ў 1503 годзе

Саўгелі (Sawgiel) — літоўскі шляхецкі род^[16].

Саўгел (Saugel) — прозьвішча, гістарычна зафіксанае на тэрыторыі цяперашняй Летувы^[17].

На 1903 год існаваў засьценак Саўгайлішкі ў Новааляксандраўскім павеце^[18].

Глядзіце таксама

• Сава
• Гайла