Нарэйка

Нарэйка (Нарыка, Норка, Нэрка, Нэрэйка) — мужчынскае імя і вытворнае ад яго прозьвішча.

Noriko
Паходжаньне
Мова(-ы)	германскія
Утворанае ад	Noro + суфікс з элемэнтам -к- (-k-)
Іншыя формы
Варыянт(ы)	Нарыка, Норка, Нэрка, Нэрэйка
Зьвязаныя артыкулы
якія пачынаюцца з «Нарэйка»

Паходжаньне

Асноўны артыкул: Імёны ліцьвінаў

Норыка, Нерык або Норка (Noriko, Nericc^[1], Norco^[2], Norke^[a]) — імя германскага паходжаньня^[4][5]. Іменная аснова -нар- (-нор-) (імёны ліцьвінаў Нарэла, Нарвід, Нарымунт; германскія імёны Narelo, Norvid, Normunt) паходзіць ад гоцкага nasjan 'захоўваць, ратаваць'^[6], стараверхненямецкага -neri 'уратаваньне, утрыманьне'^[7].

Імёны Норыка і Норка гістарычна бытавалі ў Польшчы: Noricko (1396 год), Norka (1394 год)^[8].

У Прусіі адзначалася імя Нарыка (Норка): Naryko (1382 год)^[9], Norke (1387 год)^[9], Noriko / Noreke / Norko^[9]. Апроч таго, у Прусіі бытавала прозьвішча Noreicke^[10].

У Польшчы адзначаецца прозьвішча Норка (Norko)^[11]

Варыянты імя ў гістарычных крыніцах: der Littowen gesinde… Nareyken (1404 год)^[12][13]; чотырох чоловеков, што живуть на Меречи… а Нареика Витевича^[14], у в Оболцох чотырнадъцать чоловеков… Нореико^[15] (1440—1492 гады); въ Кернове 4 чоловеки… Нареико (7 лістапада 1442 году)^[16]; homines… Nareyko (1455—1456 гады)^[17]; et inscribo homines in villa mea Mileykoni dicta tredecem nominibus nuncupatos… Nareiko (14 студзеня 1459 году)^[18]; homines… Nareyko (8—13 сакавіка 1462 году)^[19]; у воита ковенского в Нареика (30 траўня 1496 году)^[20]; поле конюха белицъкого Павла Нареиковича (8 траўня 1506 году)^[21]; людей… Дороша Нарейковича (31 чэрвеня 1510 году)^[22]; земли пустовских тяглых оу Румшишскои волости на имя Нареиковщину (24 лютага 1514 году)^[23]; земль пустовскихъ там же у Высокодворском повете… Нареиковщину Монстовтовича (21 ліпеня 1516 году)^[24]; люди нашы Слонимского повета Межевляне… а Нареико Стефановичъ (8 студзеня 1517 году)^[25]; Нарко Конъдратовичъ^[26], Нареико Юшковичъ^[27], Янушъ Нареиковичъ… Алтушко Нареиковичъ^[28] (1528 год); Нарко Якубович… Ян Норейкович… Нарко Юшкович (1537—1538 гады)^[29]; двор Вепряты… Нареико Окинич (1 ліпеня 1542 году)^[30]; Петръ Урлихович, а у него сыновъ три — Янул, Якмин, Нарко (31 сакавіка 1544 году)^[31]; Мартинъ Федковичъ Нареиковича (каля 1552 году)^[32]; Noreyko Staniewicz (27 ліпеня 1553 году)^[33]; село Нарейковичи (1554 год)^[34]; человекъ… Норко Азбутовичь служба зуполная (24 жніўня 1554 году)^[35]; Staś Norkowicz… Paweł Noreykowicz (1561 год)^[36]; Марътинъ Нарейковичъ (24 красавіка 1580 году)^[37]; Стасюкъ Нарейковичъ (23 кастрычніка 1597 году)^[38]; Nareiko Ławrynowicz… Нареика Лаврыновича (21 сакавіка 1599 году)^[39]; Jan Nareykowicz (1602—1615 гады)^[40]; Nerka (1671—1681 гады)^[41]; Jozefo et Marianna Nareykow (1710 год)^[42]; Katarzyna Noreykiewicz (1717 год)^[43]; Antoni Narykowicz… Karol Narykowicz (19 жніўня 1754 году)^[44]; Katarzyna Nerejko (1798 год)^[45].

Носьбіты

• Нарэйка Юшкавіч — вількійскі баярын, які ўпамінаецца ў попісе войска Вялікага Княства Літоўскага 1528 году
• Януш і Алтушка Нарэйкавічы — вялёнскія баяры, якія ўпамінаюцца ў попісе войска ВКЛ 1528 году
• Нарка Якубавіч і Нарка Юшкавіч — жыхары Жамойцкага староства, якія ўпамінаюцца ў 1537—1538 гадох
• Юзэф Нарыка — радунскі мешчанін, які ўпамінаецца ў 1765 годзе^[46]
• Марцін Норка — шляхціч Менскага ваяводзтва, які ўпамінаецца ў 1787 годзе^[47]

Норкі (Norko) — прыгонныя зь вёскі Лыцавічаў, якія ўпамінаюцца ў XIX стагодзьдзі^[48].

Нарэйкі (Norejko) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[49].

Норкі — парафіяне царквы ў Чашніках на 1888—1905 гады^[50].

Нарэйкі (Norejko) — літоўскі шляхецкі род з Троцкага павету^[51].

Нарэйковічы — літоўскі шляхецкі род^[52].

Наркевіч (Narkiewicz, Norkiewicz), Нэрэйка (Nerejko) і Нарэйка (Norejko) — прозьвішчы, зафіксаваныя ў XIX стагодзьдзі ў ваколіцах Сувалкаў^[53].

У XVI ст. існавала «поле» Нарэйкавічы (Нарейковичи) у Жамойцкім старостве^[54].

На 1906 год існавала вёска Наркаўшчына ў Полацкім павеце Віцебскай губэрні^[55].

На 1910 год існавала вёска Наркаўшчына ў Аршанскім павеце, а таксама хутар Наркаўшчына ў Сеньненскім павеце Магілёўскай губэрні^[56].

На гістарычнай Аршаншчыне існуе вёска Нарэйкава, на гістарычнай Браслаўшчыне — Нарэйкішкі, на гістарычнай Рэчыччыне — Норкаўшчына, на гістарычнай Ваўкавышчыне — Наркавічы, на гістарычнай Ашмяншчыне — Наркаўшчына. Назву Нарэйкі маюць вёскі на гістарычных Ашмяншчыне, Гарадзеншчыне і Меншчыне.

Заўвагі

1. Апроч таго, адзначалася германскае імя Noreken^[3]