Старынкі (Койданаўскі раён)

Стары́нкі^[1] — вёска ў Бараўскім сельсавеце Койданаўскага раёну Менскай вобласьці Беларусі. За 10 км ад Койданава, 48 км ад Менску, 12 км ад чыгуначнай станцыі Койданава.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Старынкі.

Старынкі
трансьліт. Starynki
Дата заснаваньня:	XV стагодзьдзе
Краіна:	Беларусь
Вобласьць:	Менская
Раён:	Койданаўскі
Сельсавет:	Бараўскі
Вышыня:	232 м н. у. м.
Насельніцтва:	163 чал. (2010)
Часавы пас:	UTC+3
Тэлефонны код:	+375 1716
Паштовы індэкс:	222737
СААТА:	6222804098
Нумарны знак:	5
Геаграфічныя каардынаты:	53°44′2″ пн. ш. 26°59′45″ у. д.
Старынкі на мапе Беларусі ± Старынкі Старынкі
Галерэя здымкаў у Вікісховішчы

Гісторыя

Вядома з XV стагодзьдзя. 3 1483 г. у складзе ВКЛ. 3 1588 г. цэнтар Старынкаўскай воласьці Менскага ваяводзтва. Маёнтак, сажалкі, млын, карчма. 3 1793 г. у Велікасельскай воласьці Менскага павету. У 1836 г. пабудаваны касьцёл. У 1868 г. адкрыта царкоўна-прыходзкая школа, вучыліся 30 хлопчыкаў. У 1886 г. 48 двароў, 480 жыхароў, праваслаўная царква, школа, вадзяны млын, вінакурны завод. У 1897 г. 484 жыхары. У 1909 г. вёска Старынкі, 48 двароў, 481 жыхар, маёнтак Старынкі, 1 двор, 64 жыхары. Помнікі на брацкай магіле савецкіх воінаў і партызан і землякам, якія загінулі ў Вялікую Айчынную вайну. Да 30 кастрычніка 2009 году — цэнтар Старынкаўскага сельсавету. 30 кастрычніка 2009 году перададзеная зь ліквідаванага Старынкаўскага ў Бараўскі сельсавет^[2].

Насельніцтва

• 20 стагодзьдзе: 1998 — 152 двары, 201 жыхар; 1999 — 192 жыхары
• 21 стагодзьдзе: 1 студзеня 2004 — 156 двароў, 189 жыхароў; 2010 — 163 жыхары