Куплін

Куплі́н^[2] — вёска ў Пружанскім раёне Берасьцейскай вобласьці. Куплін уваходзіць у склад Лінаўскага сельсавету.

Куплін
трансьліт. Kuplin
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Лінаўскі
Насельніцтва:	139 чал. (2010)
Часавы пас:	UTC+3
Тэлефонны код:	+375 1632
Паштовы індэкс:	225143[1]
СААТА:	1256835020
Нумарны знак:	1
Геаграфічныя каардынаты:	52°33′58″ пн. ш. 24°31′13″ у. д.
Куплін на мапе Беларусі ± Куплін Куплін
Галерэя здымкаў у Вікісховішчы

Гісторыя

Вёска ў складзе аднайменнага маёнтку, сьпярша ва ўласнасьці Бухавецкіх, пасьля Марачэўскіх. Далей маёнтак быў падзелены між Крашэўскімі (Стары Куплін і Доўгае) і Корсакамі^[3].

Перад вайной з нацысцкай Нямеччынай у Купліне разьмяшчаўся ваенны аэрадром, зьнішчаны ў першыя гадзіны вайны.

Стары Куплін

У першай палове XVI ст. належаў кобрынскаму шляхцічу Галянішчаву, у 1629 — Івану Жардзецкаму, у 1632 — Ярашу Верашчаку і Ганьне Жардзецкай, пазьней Бухавецкім гербу Драгаслаў, Марачэўскім^[4].

Прыкладна з другой паловы XVIII ст. — у валоданьні Крашэўскіх. За расейскім часам — у Носкаўскай воласьці Пружанскага павету Гарадзенскай губэрні^[5].

Ад Яна Крашэўскага маёнтак перайшоў да ягонага сына Люцыяна, пасьля да Каятана, ад якога дастаўся ягонаму сыну Багуславу. Прыкладна ў пэршай трэці XIX стагодзьдзя была закладзеная сядзіба, у 1834 року збудаваная Прачысьценская царква.

У 1857 Стары Куплін ужо ва ўласнасьці Марачэўскіх, якія валодалі ім усутыч да 1939 року. Абставіны зьмены ўласьніка невядомыя^[6].

Новы Куплін

За расейскім часам — у Мікітыцкай воласьці Пружанскага павету Гарадзенскай губэрні^[7].

З 1861 року ва ўласнасьці Яна Корсака (424 дзесяціны), Дэніцаў (маёнтак Борэк, 95 дзесяцін)^[8][7]. у 1899 року правы на маёнтак атрымала дачка Корсака Юзэфа Задарноўская, у 1939 ён належаў Гелене Юцэвічавай з Задарноўскіх.

Маёнтак закладзены на мяжы XIX—XX стагодзьдзяў. Пасьля вайны тут разьмяшчалася вайсковая частка, сядзіба была перабудаваная.

Насельніцтва

• 2010 год — 139 чалавек
• 1999 год — 119 чалавек

Гаспадарка

Фэрмэрская гаспадарка «Бардо» (УНП 290299126), ЗСПУП «Адулям»^[9].

Спэцкамэндатура №7, у якой адбываў пакараньне Павал Севярынец.

Вядзецца пабудова перадаючай станцыі лічбавага тэлебачаньня^[10].