Сідаравічы (Менская вобласьць)

Сі́даравічы^[1] — вёска ў Мядзельскім раёне Менскай вобласьці. Сідаравічы ўваходзяць у склад Занарацкага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Сідаравічы.

Сідаравічы
трансьліт. Sidaravičy
Краіна:	Беларусь
Вобласьць:	Менская
Раён:	Мядзельскі
Сельсавет:	Занарацкі
Насельніцтва:	27 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222382
Нумарны знак:	5
Геаграфічныя каардынаты:	54°47′34.01″ пн. ш. 26°40′50.02″ у. д.
Сідаравічы на мапе Беларусі ± Сідаравічы Сідаравічы

Гісторыя

• 1846 год — існавалі 2 вёскі Сідаравічы ў Занарачанскай воласьці Сьвянцянскага павету Віленскай губэрні. Адна зь іх налічвала 12 двароў і 98 жыхароў, а другая — 16 двароў і 146 жыхароў.
• 1904 год — ужо адна вёска з насельніцтвам у 150 жыхароў. У вёсцы працавала царкоўнапрыходзкая школа, дзе ў 1896/97 навучальным годзе навучаліся 19 хлопчыкаў.
• 1908 год — вёска налічвала 170 жыхароў.
• У сакавіку 1916 году падчас Першай сусьветнай вайны напярэдадні Нарачанскай апэрацыі ад заходняга берага возера Нарач за вёскі разьмяшчалася пазыцыя 75-й нямецкай рэзэрвовай дывізіі.
• 12 кастрычніка 1940 году вёска ўвайшла ў склад Занарацкага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай). У 1940 годзе вёска налічвала 41 двор і 169 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі спалілі вёску (41 двор) і забілі 4 жыхароў. Пасьля вайны вёска была адноўленая.
• 1948 год — створаны калгас «Змагар».
• З 1950 па 1973 гады вёска зьяўляецца цэнтрам узбуйненага калгасу «Змагар», у які ўваходзілі 5 вёсак. З 27 кастрычніка 1973 году вёска знаходзіцца ў складзе калгасу «Шлях да камунізму» з цэнтрам у вёсцы Занарач.
• 20 студзеня 1960 году вёска ўвайшла ў склад Менскай вобласьці.
• У 1960 годзе насельніцтва вёскі складала 131 жыхара.

Насельніцтва

• 2010 год — 27 жыхароў
• 30 лістапада 2007 году — 43 жыхары^[2]
• 1999 год — 84 жыхары
• 1 студзеня 1997 году — 33 двары і 116 жыхароў

Інфраструктура

У вёсцы знаходзіцца крама.

Помнікі

У 1965 годзе у гонар ушанаваньня памяці 26 жыхароў зь вёсак былога калгасу «Змагар», якія загінулі ў баях 1941—1945 гадоў, на ўскраіне вёскі быў усталяваны абэліск.