Таўцігін
From Wikipedia, the free encyclopedia
Remove ads
Таўцігін (Таўткін, Талцігін), Таўдзікін (Таўдкін, Таўдгін) — мужчынскае імя і вытворнае ад яго прозьвішча Та́ўгін (Тоўткінь, Таўген).
Remove ads
Паходжаньне
Тэўдэкін, Дэўтген або Дэўтыкін (Theudekin[1], Deutgen[2], Duethekin) — імя германскага паходжаньня[3]. Іменная аснова -тэўд- (-дэўт-, -тыд-) (імёны ліцьвінаў Таўдвід, Таўтывіл, Таўтгерд; германскія імёны Teutwidis, Theudowills, Teutgerdis) паходзіць ад гоцкага þiuda[4], германскага þeudo[5] 'род, народ'[6], а аснова -гін- (-ген-, -кін-) (імёны ліцьвінаў Гендрута, Кімунд, Менгін; германскія імёны Genedrudis, Ginmund, Mennigen) — ад гоцкага gin- 'пачатак'[7] (гоцкае *ginnan, германскае *gennan 'пачынаць'[8]). Апроч таго, у германскіх імёнах адзначаецца суфікс-пашыральнік -кін (-кен)[9]. Такім парадкам, імя Таўцігін азначае «зачатак роду»[10].
У Польшчы адзначаюцца прозьвішчы Таўгень (Tawgień), Таўкін (Tawkin, Taukin), Таўкіновіч (Tawkinowicz) і Тоўгін (Towgin)[11].
Варыянты імя ў гістарычных крыніцах: Tawtegynnen dorfe (Паведамленьні аб літоўскіх дарогах)[12]; Wolochko Tawtiginonis (18 студзеня 1401 году)[13]; мещане берестейскии: <…> Мишко Товдикинович (26 чэрвеня 1466 году)[14]; бояринъ Ковенского повету, Петръ а Ян Товдикгиновичы (30 сакавіка 1495 году)[15]; на мещан берестеиских, на Сенка а на Яцка, а на Богданка Мишковичов Товтикгиновича (23 студзеня 1498 году)[16]; боярин слонимскии Сенько Толтикгиновичъ (1 лютага 1501 году)[17]; бояре ковенскии Юшко а Ян, а Петръ, а Якубъ Товтькгиновичи (11 траўня 1501 году)[18]; Jacobus Tavdgynovycz, Jusko, Michael et Martinus Tavdgynovyczy fratres… nos Jacobus, Jusko, Michael et Martinus Tavdgynoviczy (30 ліпеня 1501 году)[19][20]; Jacobus Tau(d)ginowicz, Jusko, Michael et Martinus Tawdginowiczy (20 траўня 1503 году)[21]; што в закупе была в Товъкгина (5 чэрвеня 1503 году)[22]; Marcin Biedmin Taudginowicz (11 сакавіка 1511 году)[23][24]; generosis et nobilibus viris… Andrea Thautgynowicz (30 красавіка 1521 году)[25]; Андреи Товтъгинович самъ. Миколаи Товткиновичъ сам[26], Якубъ Товтигинович[27], Юревая Товкгиновича… Петръ Товкгиновичъ[28], Олехно Товкгиновичъ… Петко Товкгиновичъ[29], Мартинъ Товкгиновичъ[30], Товткин Родивиловичъ[31], Анъдреи Товъкгиновичъ[32] (1528 год); на боярыню Троцкого повета Анъдреевую Товтъкгиновича Альжбету… небожчыка Анъдрея Товткгиновича (28 ліпеня 1541 году)[33]; боярина господаръского Яна Андреевича Товткгиновича… того Яна Товтыкгиновича (25 кастрычніка 1541 году)[34]; Ławryn Towgidynowicz z synmi, z bratem Grzegorzem… Hrehory Towdyginowicz (1554 год)[35]; боярину слонимскому Сен’ку Толтикгиновичу (20 ліпеня 1556 году)[36]; Павелъ Товткгиновичъ[37] (1567 год); его пни Галена Яновна Товкгиновна… пну Яну Андревичу Товкгину[38], пну Якубу Миколаевичу Товткгину[39] (5 лютага 1596 году); Я Крыштофъ Миколаевич Товкгин, земенин гдрьски повету Вилкомиръского (6 лютага 1596 году)[40]; пна Себестияна а пна Станислава Миколаевичов Товткгинов (7 лютага 1596 году)[41]; пна Жыкгимонта Томашевича Товткгина, пна Езофа Томашевича Товткгина (5 ліпеня 1596 году)[42]; Marianna Towgin (1801 год)[43]; Bonawenturum Tawgenowicz… Tawgenowiczowa (26 студзеня 1809 году)[44]; Wiktoria Towkin (1827 год)[45]; Antonina Tawdgin[46], Marcyanna Tawgin[47] (1838 год); Anastazja Towtgin (1846 год)[48].
Remove ads
Носьбіты
- Валочка Таўцігінавіч — літоўскі баярын, які засьведчыў акт Віленска-Радамскай уніі
- Пётар і Ян Таўдзігінавічы — баяры Ковенскага павету, якія ўпамінаюцца ў 1495 годзе
- Сенька Таўцігінавіч — слонімскі баярын, які ўпамінаецца ў 1501 годзе
- Юшка, Ян, Пётар і Якуб Таўцігінавічы — ковенскія баяры, якія ўпамінаюцца ў 1501 і 1556 гадох
- Андрэй Таўгінавіч — харунжы ўпіцкі, які ўпамінаецца ў 1528 годзе[49]
- Таўдкін Марцінавіч — жыхар Жамойцкага староства, які ўпамінаецца ў 1538 годзе[50]
- Андрэй Таўцігінавіч — троцкі баярын, які ўпамінаецца ў 1541 годзе; меў жонку Альжбету і сына Яна
- Стэфан Юр’евіч Тоўткінь — расенскі зямянін, які ўпамінаецца ў 1600 годзе[51]
- Станіслаў Мікалаевіч Таўтгін Скрамлеўскі і Матэвуш Янавіч Таўтгін Чаховіч — упіцкія зямяне, якія ўпамінаюцца ў 1611 годзе[52]
Таўгіны гербаў Дрыя, Ляліва і Тапор — літоўскі шляхецкі род зь Віленскага і Лідзкага паветаў[53]. Прыдомкам Таўгін карыстаўся літоўскі шляхецкі род Бэрнатовічаў гербу Ляліва[54].
Чаховічы-Тоўгіны — літоўскі шляхецкі род[55].
У XVI ст. існавала «поле і ваколіца» Таўгінавічы (Товгиновичи) у Жамойцкім старостве[56].
На гістарычнай Лідчыне існуе вёска Таўзгіняны. Назву Таўкіні маюць вёскі на гістарычных Браслаўшчыне і Лідчыне.
Remove ads
Глядзіце таксама
Крыніцы
Wikiwand - on
Seamless Wikipedia browsing. On steroids.
Remove ads