Туміла

Туміла (Туміль, Тумель, Думель, Доміль), Таміла (Томель) — мужчынскае і жаночае імёны і вытворнае ад іх прозьвішча.

Tuomila
Паходжаньне
Мова(-ы)	германскія
Утворанае ад	Tumo + суфікс з элемэнтам -л- (-l-)
Іншыя формы
Варыянт(ы)	Таміла, Туміль, Тумель, Думель, Томель, Доміль
Зьвязаныя артыкулы
якія пачынаюцца з «Туміла»

Паходжаньне

Асноўны артыкул: Імёны ліцьвінаў

Туміла, Даміла або Думела, пазьней Думель або Домель (Tuomila, Tumila, *Domilo^[1], Duomelo, Dummel, Dommel^[2]) — імя германскага паходжаньня^[3]. Іменная аснова -дом- (-тум-) (імёны ліцьвінаў Домін, Тумар, Даматурт; германскія імёны Domin, Thumer, Domedrudis) паходзіць ад гоцкага dōms 'вырак, суд; слава'^[4].

Імя Думіл гістарычна бытавала ў Польшчы: Petrus Dumil (1390 год)^[5].

У ваколіцах Мэмэлю бытавала прозьвішча Dommel (Domel)^[6].

У Польшчы адзначаюцца прозьвішчы Домэль (Domel) і Дамэла (Domeła, Domełła, Domeło)^[7].

Варыянты імя ў гістарычных крыніцах: Иванъ а Томило Степановичи поведили, ижъ которое именье мають под собою в Буховичох а в Кукълине (13 красавіка 1534 году)^[8]; дворец Троцкий… Тумел з жоною вымерли (1 ліпеня 1542 году)^[9]; Ивановая Горъновская Томиля… Федоровая Заранъковая Томила… Богданъ Томиловичъ… Ивановая Сувиная Тумиля Михаиловна (1565 год)^[10]; подъданыхъ в томъ селе Скубятах… Томель Юшъковичъ (5 студзеня 1566 году)^[11]; Микита Ивановичъ зы Здитова выслалъ сына своего Томила^[12], Богданъ Томиловичъ^[13], Томило Ондреевичъ^[14], Томило Шалыничъ^[15], панъ Томило Боровицкий^[16] (1567 год); Stanisława Dumelia (1662 год)^[17]; Magdalena Dumelowna (1669 год)^[17]; Franciszek Tumiłowicz (5—7 лютага 1776 году)^[18]; Krystyna Tumilewicz (1797 год)^[19]; Tumiłowicz Piotr (11 траўня 1837 году)^[20]; Anna Domilewicz (1839 год)^[21].

Носьбіты

• Таміла Гетаўтаўна — літоўская баярыня, якая ўпамінаецца ў 1545 годзе^[22]
• Аляксандар, Антоні, Геранім, Дзьмітры, Філіп, Флор, Францішак і Ян Туміловічы — шляхцічы Менскага ваяводзтва, якія ўпамінаюцца ў 1787 годзе^[23]

Туміловічы — парафіяне касьцёла ў Наваградку на 1850 год^[24].

Тумелі (Tumiel) — прыгонныя зь вёсак Жураўцаў (Ашмянскі павет) і Пагулянкі (Троцкі павет), якія ўпамінаюцца ў XIX стагодзьдзі^[25][26].

Тумілевічы і Туміловічы — літоўскія шляхецкія роды зь Лідзкага павету^[27][28].

Таміловічы (Tomiłowicz) і Туміловічы (Tumiłowicz) — літоўскія шляхецкія роды з Троцкага павету^[29].

Тумела (Tumelo) — прозьвішча, зафіксаванае ў XIX стагодзьдзі ў ваколіцах Сувалкаў^[30].

На гістарычнай Меншчыне існуе вёска Тумілавічы.