Тутыла

Тутыла (Тутэль), Татыла, Дудэла (Дудэль) — мужчынскае імя і вытворнае ад яго прозьвішча.

Tuotilo
Паходжаньне
Мова(-ы)	германскія
Утворанае ад	Tuoto + суфікс з элемэнтам -л- (-l-)
Іншыя формы
Варыянт(ы)	Тутэль, Дудэла, Дудэль
Зьвязаныя артыкулы
якія пачынаюцца з «Тутыла»

Паходжаньне

Асноўны артыкул: Імёны ліцьвінаў

Додыла, Тутыла або Татыла, пазьней Дудэль (Dodilo, Tuotilo, Totila, Dudel^[1]) — імя германскага паходжаньня^[2]. Іменная аснова -тот- (-дод-) (імёны ліцьвінаў Туцейка, Дудзен, Доман; германскія імёны Tuoticha, Duden, Domann) паходзіць ад стараверхненямецкага toto 'хросны бацька'^[3].

Варыянты імя ў гістарычных крыніцах: у Высокодворскомъ повете тежъ дали ему людеи наших служебныхъ… а Довоина Тутыловича (12 траўня 1511 году)^[4]; урадникъ твои Тутило^[a] тотъ замокъ у ее врадника Ивашъка Билдеика (3 лютага 1531 году)^[5]; тяглых людей у Высоковдворскомъ же повете… а Довойна Тутиловича (16 кастрычніка 1533 году)^[6]; Jakub Dudela (15 траўня 1567 году)^[7]; Tomasz Dudeła… Waliul Dudeła (7 красавіка 1610 году)^[8]; Jan Dudeło (23 красавіка 1693 году)^[9]; sioło Urliki... Jan Dudeła (23 сакавіка 1698 году)^[10]; Bałtromiey Michał Dudelewicz, ienerał J. K. Mci wdztwa Wilen. (24 красавіка 1753 году)^[11].

Носьбіты

• Татыла-Бадвіла († 552) — кароль остготаў
• Тутыла — ураднік літоўскага князя Ільлі Канстантынавіча Астроскага, які ўпамінаецца ў 1531 годзе
• Яська, Уладзіслаў, Герасім, Нікіфор, Ямеля і Мікіта Карэты Дудзелы — жыхары вёскі Дворнага (Полацкае ваяводзтва), якія ўпамінаюцца ў 1717 годзе^[12]
• Лесько і Тымох Тутулы — жыхары мястэчка Гарадной, якія ўпамінаюцца ў 1747 годзе^[13]

Дудэлі (Dudel) — прыгонныя з ваколіцаў Сьвянцянаў, якія ўпамінаюцца ў XIX стагодзьдзі^[14].

Дудэлевічы (Dudelewicz) — літоўскі шляхецкі род зь Віленскага павету^[15].

Тутэлі — літоўскі шляхецкі род^[16].

Заўвагі

1. Іншы варыянт прачытаньня Тупило