Унгер

Унгер (Юнгер) — мужчынскае імя і вытворнае ад яго прозьвішча.

Unger
Паходжаньне
Мова(-ы)	германскія
Утворанае ад	Uno + Gero
Іншыя формы
Варыянт(ы)	Юнгер
Зьвязаныя артыкулы
якія пачынаюцца з «Унґер»

Паходжаньне

Асноўны артыкул: Імёны ліцьвінаў

Унгер (Unger) — імя германскага паходжаньня^[1]. Іменная аснова -гун- (-ун-) паходзіць ад стараісьляндзкага hunn 'мядзьведзь' або ад назвы гунаў^[2], а аснова -гер- (-гар-, -гір-) (імёны ліцьвінаў Гералт, Гермонт, Бутгер; германскія імёны Gerolt, Geromont, Butger) — ад стараісьляндзкага geirr, стараверхненямецкага gēr 'дзіда'^[3].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Unard^[4].

У 1582 годзе ў папскай сэмінарыі ў Браўнсбэргу навучаўся Andreas Unger, Pruthenus^[5]. У 1636 годзе ў Каралявецкім унівэрсытэце навучаўся Christophorus Unger, Morungo-Borussus^[6].

Варыянты імя ў гістарычных крыніцах: пану Ганусу Унгерови (6 ліпеня 1553 году)^[7]; od jmé xiędza Stanisława Ungiera plebana Lepelskiego (1 чэрвеня 1759 году)^[8]; xiądz Stanisław Ungier (20 жніўня 1759 году)^[9]; jmc xiędzu Stanisławowi Ungierowi (3 кастрычніка 1760 году)^[10]; Konstanty Ungier, Komornik (24 кастрычніка 1765 году)^[11]; Andrzej Jungier (1811 год)^[12]; Konstantyn Unger (1820 год)^[13][a].

Носьбіты

• Унгер Познанскі († 1012) — біскуп Познаню
• Андрэй Міхаловіч Унгер — дзяржаўны дзяяч Вялікага Княства Літоўскага, чашнік старадубскі ў 1741 годзе^[18]
• Канстантын Унгер — фундатар касьцёла ў Жырмунах у 1771 годзе^[19]

Унгеры — літоўскі шляхецкі род^[20].

Готшалкі-Унгеры (Gotszalk-Unger) — літоўскі шляхецкі род з Смаленскага ваяводзтва^[21].

Заўвагі

1. Таксама:

   • Уніка (адзначалася старажытнае германскае імя Uniko^[14]): Teresa Unikiewicz (1819 год)^[15];
   • Умгайла: в бояр жомоитскихъ… в Умкгаила… в Номкгаила (30 траўня 1517 году)^[16];
   • Унор (адзначалася старажытнае германскае імя Unnari^[1]): Матей Внор… Станиславъ Павловичъ Вноръ… з Уноровъ (1567 год)^[17]