Фарны касьцёл

Фарны касьцёл, Фара (ад ням. Pfarrei — парафія, прыход) — гістарычная назва некаторых найбольш значных парафіяльных^[1] касьцёлаў.

Фарны касьцёл у Наваградку

Гісторыя

Найчасьцей назву «Фара» атрымліваў найстарэйшы мескі касьцёл або галоўны касьцёл у мескім дэканаце. У катэдральных местах фарным мог звацца другі паводле значнасьці касьцёл пасьля катэдры. Касьцёлы пры кляштарах не называліся фарнымі.

У наш час фарнымі, паводле традыцыі, працягваюць называцца касьцёлы, якія атрымалі такую назву ў мінулыя стагодзьдзі. Напрыклад, касьцёл Сьвятога Францішка Ксаверыя ў Горадні, які цяпер зьяўляецца катэдраю Гарадзенскай дыяцэзіі.

Фарныя касьцёлы ў Беларусі

Існыя

• Ашмяны: касьцёл Сьвятога Міхала Арханёла
• Глыбокае: касьцёл Найсьвяцейшай Тройцы
• Горадня: касьцёл Сьвятога Францішка Ксаверыя — пачаў звацца Фарным у канцы XVIII ст., калі ў яго перанесьли набажэнствы з пашкоджанай пажарам Фары Вітаўта
• Магілёў: касьцёл Сьвятога Казімера (захаваўся часткова, выкарыстоўваецца як склад)
• Мір: касьцёл Сьвятога Мікалая
• Ліда: касьцёл Узвышэньня Сьвятога Крыжа
• Наваградак: касьцёл Перамяненьня Божага
• Нясьвіж: касьцёл Божага Цела

• 
  Горадня, касьцёл Сьвятога Францішка Ксаверыя
• 
  Магілёў, касьцёл Сьвятога Казімера
• 
  Мір, касьцёл Сьвятога Мікалая
• 
  Нясьвіж, касьцёл Божага Цела

Зьнішчаныя

• Берасьце: касьцёл Сьвятога Крыжа (Фара Вітаўта)
• Віцебск: касьцёл Найсьвяцейшай Тройцы
• Горадня: касьцёл Найсьвяцейшай Панны Марыі (Фара Вітаўта)
• Івянец: касьцёл Найсьвяцейшай Тройцы
• Клецак: касьцёл Найсьвяцейшай Тройцы
• Мазыр: касьцёл Унебаўзяцьця Найсьвяцейшай Панны Марыі
• Менск: касьцёл Найсьвяцейшай Тройцы
• Слуцак: Фарны касьцёл

• 
  Віцебск, касьцёл Найсьвяцейшай Тройцы
• 
  Горадня, касьцёл Найсьвяцейшай Панны Марыі (Фара Вітаўта)
• 
  Клецак, касьцёл Найсьвяцейшай Тройцы
• 
  Мазыр, касьцёл Унебаўзяцьця Найсьвяцейшай Панны Марыі