Церабель

Це́рабель^[1] — вёска ў Пухавіцкім раёне Менскай вобласьці. Уваходзіць у склад Навапольскага сельсавету. Месьціцца за 47 км ад Мар’інай Горкі, 41 км ад Менску.

Церабель
трансьліт. Cierabieĺ
Краіна:	Беларусь
Вобласьць:	Менская
Раён:	Пухавіцкі
Сельсавет:	Навапольскі
Насельніцтва:	21 чал. (2010)
Часавы пас:	UTC+3
Тэлефонны код:	+375 1713
Паштовы індэкс:	222839
Нумарны знак:	5
Геаграфічныя каардынаты:	53°31′19.99″ пн. ш. 27°42′59.00″ у. д.
Церабель на мапе Беларусі ± Церабель Церабель
Галерэя здымкаў у Вікісховішчы

Гісторыя

У XVII ст. вёска ў Менскім павеце Менскага ваяводзтва ВКЛ, шляхецкая ўласнасьць. Пасьля 2-га падзелу Рэчы Паспалітай у складзе Расейскай імпэрыі. У 1800 годзе вёска Церабелка Ігуменскага павету Менскай губэрні. У 1897 вёска ў Дудзіцкай воласьці таго ж павету, ёсьць хлебазапасны магазын, капліца. У 1888 годзе адкрытая царкоўна-прыходзкая школа^[2].

Зь лютага па сьнежань 1918 году акупаваная войскамі Нямецкае Імпэрыі, з жніўня 1919 па ліпень 1920 году — войскамі Польшчы. У 1919 году ў БССР. У 1922 годзе дзейнічала школа 1-й ступені. У 1933 годзе працаваў калгас імя К. Я. Варашылалва, была кузьня^[2].

У Другую сусьветную вайну, з канца чэрвеня 1941 да пачатку ліпеня 1944 году акупаваная войскамі нацысцкае Нямеччыны, якія ў сакавіку 1944 году спалілі вёску, загубілі 30 жыхароў. Пасьля вайны вёска адноўленая^[2].

29 чэрвеня 2006 году вёска перададзеная зь ліквідаванага Сяргеевіцкага сельсавету ў склад Праўдзінскага пасялковага сельсавету^[3].

Да 28 траўня 2013 году ў Праўдзінскім пасялковым савеце. Пасьля скасаваньня Праўдзінскага пасялковага савету ўключаная ў Навапольскі сельсавет^[4].

Насельніцтва

• 1800 год — 25 двароў, 167 жыхароў
• 1897 год — 65 двароў, 397 жыхароў
• 1908 год — 75 двароў, 491 жыхар
• 1917 год — 86 двароў, 478 жыхароў
• 1940 год — 65 двароў, 340 жыхароў
• 1960 год — 210 жыхароў
• 1999 год — 55 жыхароў
• 2010 год — 21 жыхар