Азяроды

Азяро́ды^[1] (Азярэдавічы) — былая вёска ў Мядзельскім раёне Менскай вобласьці, на мяжы зь Вялейскім раёнам, каля ракі Каханкі. Уваходзіла ў склад Княгінінскага сельсавету.

Азяроды
трансьліт. Aziarody
Краіна:	Беларусь
Вобласьць:	Менская
Раён:	Мядзельскі
Сельсавет:	Княгінінскі
Насельніцтва:	0 чал. (2007)
Часавы пас:	UTC+3
Тэлефонны код:	+375 1797
Паштовы індэкс:	222377
Нумарны знак:	5
Геаграфічныя каардынаты:	54°42′41″ пн. ш. 27°3′29″ у. д.
Азяроды на мапе Беларусі ± Азяроды Азяроды

Гісторыя

• 1896 год — у вёсцы адчыненая школа граматы.
• 1904 год — зьяўлялася вёскай у Княгінінскай воласьці Вялейскага павету Віленскай губэрні. Вёска налічвала 167 жыхароў.
• 1921 год — знаходзіцца ў складзе Крывіцкай гміны Вялейскага павету Віленскага ваяводзтва. У складзе вёскі знаходзіліся 12 двароў і 56 жыхароў.
• 1931 год — знаходзіцца ў складзе Крывіцкай гміны Вялейскага павету Віленскага ваяводзтва. У складзе вёскі знаходзіліся 11 двароў і 61 жыхароў.
• 12 кастрычніка 1940 году вёска ўвайшла ў склад Княгінінскага сельсавету Крывіцкага раёну Вялейскай вобласьці (з 20 верасьня 1944 году — Маладэчанскай). Вёска налічвала 13 двароў і 62 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі спалілі 10 двароў і забілі 2 жыхароў.
• 1957 год — вёска знаходзіцца ў складзе саўгасу «Крывічы» з цэнтрам у вёсцы Княгінін.
• 20 студзеня 1960 году вёска ўвайшла ў склад Менскай вобласьці.
• 1960 год — вёска налічвае 58 жыхароў.
• З 25 сьнежня 1962 году вёска знаходзіцца ў складзе Мядзельскага раёну.
• На 1 студзеня 1997 году вёска налічвала 1 двор і 1 жыхара.
• Па стане на 1 студзеня 2007 году вёска зьяўляецца нежылой.^[2]

Асобы

Вёска зьяўляецца радзімай Ф. А. Яхімовіча — беларускага патафізыёляга, прафэсара, заслужанага дзеяча навукі Беларусі.