Альгіш

Альгіш^[1] (Ольгіш, Олгіш) — мужчынскае імя.

Halgasch
Паходжаньне
Мова(-ы)	германскія
Утворанае ад	Helgi + суфікс з элемэнтам -ш- (-sch-)
Зьвязаныя артыкулы
якія пачынаюцца з «Альґіш»

Паходжаньне

Асноўны артыкул: Імёны ліцьвінаў

Гэльгі або Элга (Helgi, Elgo) — імя германскага паходжаньня^[2][3]. Іменная аснова -алг- (-алк-, -гэлк-) (імёны ліцьвінаў Альгін, Альгерд, Альгімонт; германскія імёны Heligin, Algardus, Alcmunt) паходзіць ад гоцкага alhs 'бажніца', германскага helig 'сьвяты'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Halgasz^[5]: Halgasch (1446 і 1463 гады), Halgas (1470—1480-я гады)^[6].

Варыянты імя ў гістарычных крыніцах: у Логоиску. Олъгишу Омросово… Олгишу у Северскомъ Новегородъце^[7], у Рогачове. Чотыри чоловеки Олгишовои… по тому, какъ Дитятъко и Ольгишъ держалъ^[8], село Острошичи, што Олигишъ держал… а Олгишю тое село, што Дитятко держалъ^[9], Ольгишу два чоловеки на Готолници^[10] (1440—1492 гады); kmenones… Olghysz (29 кастрычніка 1475 году)^[11]; небожъчику Ольгишу… держалъ Ольгишъ (17 красавіка 1482 году)^[12]; Ивашъку Ольгишевичу жеребя въ пана Михаила (8 сакавіка 1490 году)^[13]; за Сенка Олгишевича (1 красавіка 1498 году, 9 красавіка 1499 году^[14]; бояриня мстиславъская Ивашкова жона Кахна Олгишевича… свекру ее Василю Олгишевичу (6 траўня 1499 году)^[15]; Ивановая Олгишевича (1528 год)^[16].

Носьбіты

• Альгіш — літоўскі баярын, які атрымаў ад вялікага князя Казімера наданьні ў Лагойску і Ноўгарадзе Северскім
• Івашка Альгішавіч — амсьціслаўскі баярын, які ўпамінаецца ў 1490—1499 гадох
• Іванавая Альгішавіча — амсьціслаўская баярыня, якая ўпамінаецца ў попісе войска Вялікага Княства Літоўскага 1528 году

Алгішэвічы (Ołgiszewicz) — літоўскі шляхецкі род з Амсьціслаўскага ваяводзтва^[17].

Альгішэвічы (Olgiszewicz) гербу ўласнага — шляхецкі род Рэчы Паспалітай^[18].