Зынь

Зынь, Сінь, Зын, Жын (Жынь) — мужчынскае імя і вытворнае ад яго прозьвішча.

Sini
Паходжаньне
Мова(-ы)	германскія
Іншыя формы
Варыянт(ы)	Сінь, Зын, Сінь, Жынь, Жын
Зьвязаныя імёны	Зынгель, Сінгер, Зінар
Зьвязаныя артыкулы
якія пачынаюцца з «Зынь»

Паходжаньне

Асноўны артыкул: Імёны ліцьвінаў

Сіні або Зіні, Сіна або Зіна (Sini, Sino) — імя германскага паходжаньня^[1]. Іменная аснова -сін- (-зын-) паходзіць ад гоцкага sineigs 'стары', стараверхненямецкага sin 'сэнс, меркаваньне' або ад асновы -сінд- (-зынд-)^[2][a]. Сярод ліцьвінаў бытавалі імёны Зынгель, Сінгер, Зінар, адзначаліся германскія імёны Singel, Singer, Siner.

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскіх імёнаў Zynbiert (Sinbert, Zymbiert), Zynwirt (Sinwirt)^[5].

Варыянты імя ў гістарычных крыніцах: Матеи Жиневич (1524-1566 гады)^[6]; Юхно Жинь^[7], Богушъ Жин^[8], Иванъ Жиневичъ^[9] (1528 год); бояр господаръских Рудоминского ж повету… Матея, а Бартломея Жиневичов (7 сакавіка 1541 году)^[10]; Давидъ Зыновичъ… земяне замку нашого Городецкого, на имя Давыдъ а Василь Зеновичы… отцу ихъ Зынову (10 ліпеня 1544 году)^[11]; Ероцъки Зыневичъ… Иванъ Жыневичъ… Алекъсанъдер Жыневичъ (1565 год)^[12]; Zyn (1670 год)^[13]; Zyniewicz Grzegorz (1801 год)^[14]; Siniewicz Jadwiga z Ciechanowiczów (4 красавіка 1887 году)^[15][b].

Носьбіты

• Мацей Жыневіч — рудамінскі баярын, які ўпамінаецца паміж 1524 і 1566 гадамі
• Юхна Жынь і Богуш Жын — рудамінскія баяры, якія ўпамінаюцца ў попісе войска Вялікага Княства Літоўскага 1528 году
• Іван Жыневіч — ваўкавыскі баярын, які ўпамінаецца ў попісе войска ВКЛ 1528 году
• Яроцкі Зыневіч, Іван і Аляксандар Жыневічы — ваўкавыскія баяры, якія ўпамінаюцца ў попісе войска ВКЛ 1565 году

Жыневіч або Зыневіч (Zyniewicz) — прозьвішча, зафіксаванае ў XIX стагодзьдзі ў ваколіцах Сувалкаў^[20].

Заўвагі

1. Польска-летувіская аўтарка Юстына Вальковяк прызнае брак адэкватнага тлумачэньня іменнай асновы -сін- (-зін-) зь летувіскай мовы, а для іменнай асновы -жын- за найбольш адэкватнае прызнае žinóti 'ведаць', pa-žìnti 'спазнаць'^[3] (фіксуецца ў слоўніку Канстанціна Шырвіда^[4])
2. Таксама:

   • Жынель (у гістарычным гоцкім арэале адзначалася імя Sinnelo^[16]): Józef Żynielewicz (7 лютага 1780 году)^[17];
   • Шымбар: Миколаи Шимъборовичъ (1528 год)^[18], s panem Stanisławem Szymborem (1621 год)^[19]