Кулікі (Мядзельскі раён)

Кулікі́^[1] — вёска ў Мядзельскім раёне Менскай вобласьці, уваходзіць у склад Мядзельскага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Кулікі.

Кулікі
трансьліт. Kuliki
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	45 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222399
СААТА:	6240831056
Нумарны знак:	5
Геаграфічныя каардынаты:	54°54′27″ пн. ш. 26°57′37″ у. д.
Кулікі на мапе Беларусі ± Кулікі Кулікі

Гісторыя

• 1848 год — зьяўляліся вёскай маёнтка Стары Мядзел Вялейскага павету Віленскай губэрні. Вёска была ўладаньнем М. Ф. Дваржэцкага і налічвала 13 двароў і 147 жыхароў.
• 1904 год — вёска налічвала 226 жыхароў і вартоўню, якая налічвала 12 жыхароў і зьяўлялася ўладаньнем Козела-Паклеўскага^[2].
• 1908 год — у складзе вёскі 28 двароў, 221 жыхар.
• 1921 год — знаходзіцца ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Вёска налічвала 36 двароў і 195 жыхароў.
• 1931 год — 37 двароў і 198 жыхароў^[3].
• 12 кастрычніка 1940 году вёска ўвайшла ў склад Баярскага сельсавету Мядзельскага раёну Вялейскай вобласьці (з 20 верасьня 1944 году — Маладэчанскай).
• 1949 год — у вёсцы створаны калгас «Ленінскі шлях».
• З 16 ліпеня 1954 году і з 25 студзеня 1996 году знаходзілася ў складзе Мядзельскага сельсавету, з 17 лістапада 1959 году — у складзе гарпассавету Мядзельскага раёну.
• З 1954 году вёска ўваходзіць у склад калгасу «Пераможца».
• 20 студзеня 1960 году вёска ўвайшла ў склад Менскай вобласьці.
• З 1960 году вёска знаходзілася ў складзе сучаснага калгасу «Ленінскі шлях».

Насельніцтва

• 2010 год — 45 жыхароў
• 1999 год — 79 жыхароў
• 1 студзеня 1997 году — 38 двароў, 85 жыхароў

Сельская гаспадарка

У вёсцы разьмяшчаецца жывёлагадоўчая фэрма.