Рукша

Рукша — мужчынскае імя.

Rocksch
Паходжаньне
Мова(-ы)	германскія
Утворанае ад	Rocco + суфікс з элемэнтам -ш- (-sch-)
Зьвязаныя артыкулы
якія пачынаюцца з «Рукша»

Паходжаньне

Асноўны артыкул: Імёны ліцьвінаў

Рокш (Rocksch) — імя германскага паходжаньня^[1]. Іменная аснова хрок- (рок-, рук-) (імя ліцьвінаў Рокіль; германскае імя Rochilo) паходзіць ад гоцкага hruk, стараісьляндзкага hrokr 'варона'^[2] або стараверхненямецкага (h)ruoho 'грак, сойка'^[3].

Імя Рукша бытавала ў Ноўгарадзе: Ивашко Рукша (каля 1495 году)^[4].

Варыянты імя ў гістарычных крыніцах: именья в Полоцкомъ повете… Рукшаничи (13 студзеня 1517 году)^[5]; на человека боярина господарьского Юрыя Мацковича, наимя на Рукшю Якубовича (23 чэрвеня 1520 году)^[6]; Mikolay Rukszewicz (4 сьнежня 1553 году)^[7]; Jan Bujwid Ruksza (1690 год)^[8]; Josephus Constantinus Narbutt Ruksza (1697 год)^[9].

Носьбіты

Рукшы (Ruksza) гербу Лебедзь — літоўскі шляхецкі род^[10].

На гістарычнай Меншчыне існуе вёска Ракшыцы, на гістарычнай Браслаўшчыне — Рукшы, на гістарычнай Віленшчыне — Рукшаны.