Сірэйка

Сірэйка (Сірык, Сірка, Сырэйка, Шырэйка, Шырка, Зырка, Жырка) — мужчынскае імя.

Sireke
Паходжаньне
Мова(-ы)	германскія
Утворанае ад	Sirio + суфікс з элемэнтам -к- (-k-)
Іншыя формы
Варыянт(ы)	Сірык, Сірка, Сырэйка, Шырэйка, Шырка, Зырка, Жырка
Вытворныя формы	Сарэйка
Зьвязаныя артыкулы
якія пачынаюцца з «Сірэйка»

Паходжаньне

Асноўны артыкул: Імёны ліцьвінаў

Сірык, Сірыка, Серэка або Сірэка (Siric, Sirico^[1], Sirica^[2], Serecho^[3], Sireke^[4]) — імя германскага паходжаньня^[5]. Іменная аснова -сір- (-сер-, -сіс-) (імёны ліцьвінаў Сіргоўд, Сіргут, Сірмонт; германскія імёны Siriaud, Sergudo, Sirmont) паходзіць ад гоцкага sisu 'чароўны сьпеў, заклён'^[6].

У Прусіі бытавала прозьвішча Sierke^[7].

Варыянты імя ў гістарычных крыніцах: у Жирока (сярэдзіна 1120-х — сярэдзіна 1150-х гадоў)^[8], Жироке (1140 — сярэдзіна 1190-х гадоў)^[9]; Ширеиковщина пустовсчина (1 ліпеня 1542 году)^[10]; село Сирейковичи (1554 год)^[11]; Федко Сирикъ (1567 год)^[12]; gdzie powietrzem wymarli w Sireikawszczyznie (18 жніўня 1574 году)^[13]; на Миколаю Сирковичу (25 жніўня 1582 году)^[14].

Носьбіты

• Жырка — жыхар Ноўгараду, які ўпамінаецца ў XII стагодзьдзі^[15]
• Якуб Сірэйкавіч — літоўскі баярын, які ўпамінаецца ў попісе войска Вялікага Княства Літоўскага 1528 году^[16]
• Магдалена Рыгораўна Сірэйковіч — расенская зямянка, якая ўпамінаецца ў 1594 годзе^[17]

Зыркевічы (Zyrkiewicz) гербу Сьлепаўрон — літоўскі шляхецкі род з ваколіцаў Цельшаў^[18].

Жыркевічы (Żyrkiewicz) гербу Вяж — літоўскі шляхецкі род^[19].

Сырэйкі — літоўскі шляхецкі род^[20].

Шырка — прозьвішча, гістарычна зафіксанае на тэрыторыі цяперашняй Летувы^[21].