Чалеі

Чале́і^[1] — вёска ў Мядзельскім раёне Менскай вобласьці. Уваходзіць у склад Мядзельскага сельсавету.

Чалеі
трансьліт. Čaliei
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	3 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222381
Нумарны знак:	5
Геаграфічныя каардынаты:	54°58′35″ пн. ш. 26°54′48″ у. д.
Чалеі на мапе Беларусі ± Чалеі Чалеі

Гісторыя

• 1868 год — вёска ў Манькавіцкай воласьці Вялейскага павету Віленскай губэрні. Налічвала 4 двары і 56 жыхароў.
• З 1921 году — вёска ў Манькавіцкай гміне Дунілавіцкага (з 1925 году — Пастаўскага) павету Віленскага ваяводзтва. У 1921 годзе вёска налічвала 5 двароў і 22 жыхароў.
• З 12 кастрычніка 1940 году вёска знаходзіцца ў складзе Лацьвянскага сельсавету Пастаўскага раёну (з 25 лістапада 1940 году — Мядзельскага) Вялейскай (з 20 верасьня 1944 году — Маладэчанскай) вобласьці. У 1940 годзе вёска налічвала 6 двароў і 18 жыхароў.
• У верасьні 1943 году падчас Вялікай Айчыннай вайны нямецка-фашысцкія захопнікі спалілі вёску (6 двароў). Пасьля вайны была адбудаваная.
• З 1954 году вёска знаходзіцца ў складзе калгасу «40 гадоў Кастрычніка» з цэнтрам у вёсцы Лотва (да 22 кастрычніка 1957 году калгас меў імя Булганіна).
• 20 студзеня 1960 году вёска ўвайшла ў склад Менскай вобласьці.

29 верасьня 2006 году перададзеная зь ліквідаванага Лацьвянскага ў Мядзельскі сельсавет^[2].

Насельніцтва

• 2010 год — 3 жыхары
• 1999 год — 7 жыхароў
• 1 студзеня 1997 году — 4 двары і 8 жыхароў
• 1960 год — 27 жыхароў