Іван Мікалаевіч Садоўнічы

Іван Садоўнічы (нар. 11 мая 1987, Гродна) — беларускі футбаліст, абаронца гродзенскага «Нёмана».

Іван Садоўнічы
Поўнае імя	Іван Мікалаевіч Садоўнічы
Нарадзіўся	11 мая 1987(1987-05-11)[1] (38 гадоў) Гродна, Гродзенская вобласць, Беларуская ССР, СССР[2]
Грамадзянства	Беларусь  Казахстан
Рост	193 см[2]
Вага	85 кг[2]
Пазіцыя	абаронца
Інфармацыя пра клуб
Клуб	Нёман
Нумар	20
Клубная кар’ера[* 1]
2005—2008 Нёман (Гродна) 0 (0) 2007 →  Дынама-Белкард (Гродна) 11 (1) 2008 →  Дынама-Белкард (Гродна) 11 (1) 2009—2010 Белкард (Гродна) 49 (3) 2011—2012 Віцебск 51 (4) 2013—2014 Нёман (Гродна) 32 (2) 2014—2015 Табол (Кастанай) 41 (3) 2016—2017 Шахцёр (Караганда) 30 (0) 2018 Жэтысу (Талдыкарган) 15 (1) 2019 Кайсар (Кызыларда) 14 (0) 2021— Нёман (Гродна) 64 (6)
Нацыянальная зборная[* 2]
2021 Беларусь 1 (0)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 31 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 13 кастрычніка 2021

Клубная кар’ера

Выхаванец гродзенскага «Нёмана», пазней гуляў за іншы гродзенскі клуб «Белкард». У 2011 годзе трапіў у «Віцебск», дзе трывала гуляў у аснове.

У сакавіку 2013 года вярнуўся ў «Нёман»^[3]. У гродзенскім клубе неўзабаве замацаваўся на пазіцыі цэнтральнага абаронцы.

Сезон 2014 распачаў як асноўны цэнтральны абаронца гродзенскага клуба. У маі 2014 года не выступаў з-за траўмы, пазней вярнуў месца ў аснове.

У чэрвені 2014 года перайшоў у казахстанскі клуб «Табол»^[4]. Ужо ў ліпені 2014 года атрымаў грамадзянства Казахстана^[5]. У сакавіку 2016 года пасля прагляду падпісаў кантракт з карагандзінскім «Шахцёрам»^[6]. Перад пачаткам сезона 2017 атрымаў траўму, з-за якой выбыў да канца сезона. У чэрвені 2017 года стала вядома, што Садоўнічы пакінуў карагандзінскі клуб^[7].

У лістападзе 2017 года трэніраваўся з гродзенскім «Нёманам»^[8], але пазней вырашыў працягнуць кар’еру ў Казахстане, і ў сакавіку 2018 года быў заяўлены за талдыкарганскі «Жэтысу».

У студзені 2019 года перайшоў у кызылардзінскі «Кайсар»^[9]. На полі з’яўляўся эпізадычна, у асноўным выходзячы на замену. У лютым 2020 года стала вядома, што беларускі абаронца пакідае клуб^[10].

Сезон 2020 прапусціў з-за траўмы, а ў пачатку 2021 года стаў трэніравацца з гродзенскім «Нёманам», з якім у сакавіку падпісаў кантракт^[11]. Восенню 2022 года стаў выкарыстоўвацца на пазіцыі нападніка^[12], у сезоне 2023 вярнуўся на месца абаронцы. У студзені 2024 года падоўжыў пагадненне з гродзенцамі^[13].

Міжнародная кар’ера

11 кастрычніка 2021 года дэбютаваў у нацыянальнай зборнай Беларусі, адгуляўшы другі тайм адборачнага матча чэмпіянату свету 2022 супраць Чэхіі (0:2).

Дасягненні

• Уладальнік Кубка Казахстана: 2019
• Срэбраны прызёр чэмпіянату Беларусі: 2023
• Уладальнік Кубка Беларусі: 2024, 2025

Статыстыка выступленняў

Сезон	Дывізіён	Клуб	Краіна	Матчы	Галы
2005	дубль	Нёман		16	1
2006	дубль	Нёман		25	1
2007 (1)	дубль	Нёман		12	2
2007 (2)	Д2	Дынама-Белкард		11	1
2008 (1)	дубль	Нёман		15	2
2008 (2)	Д2	Дынама-Белкард		11	1
2009	Д2	Белкард		24	2
2010	Д2	Белкард		24	2
2011	Д1	Віцебск		29	0
2012	Д2	Віцебск		24	4
2013	Д1	Нёман		22	2
2014 (1)	Д1	Нёман		10	0
2014 (2)	Д1	Табол		13	1
2015	Д1	Табол		28	2
2016	Д1	Шахцёр		30	0
2017 (1)	Д1	Шахцёр		0	0
2018	Д1	Жэтысу		15	1
2019	Д1	Кайсар		14	0
2021	Д1	Нёман		20	1
2022	Д1	Нёман		23	3
2023	Д1	Нёман		21	2