Высокі Двор

Высокі Двор^[1], таксама Аўкшта́дварыс^[2] (літ.: Aukštadvaris) — мястэчка ў Літве, на рацэ Верхняй. Уваходзіць у склад Троцкага раёна Віленскага павета. Цэнтр Высакадворскай сянюніі. Месціцца за 30 км на захад ад Трокаў.

Мястэчка
Высокі Двор
літ.: Aukštadvaris
Агульны выгляд
Герб
54°34′50″ пн. ш. 24°31′40″ у. д.HGЯO
Краіна	Літва
Павет	Віленскі
Раён	Троцкі
Сянюнія	Высакадворская
Гісторыя і геаграфія
Вышыня цэнтра	147 м
Часавы пояс	UTC+2, летам UTC+3
Насельніцтва
Насельніцтва	▼861 чал. (2021)
Лічбавыя ідэнтыфікатары
Паштовы індэкс	LT-21034
aukstadvaris.lt
Паказаць/схаваць карты
Высокі Двор
Медыяфайлы на Вікісховішчы

Гісторыя

Вялікае Княства Літоўскае

Упершыню Высокі Двор згадваецца ў 1518 годзе У гэты час ён уваходзіў у склад Троцкага павета Троцкага ваяводства.

9 жніўня 1569 года Высокі Двор атрымаў статус мястэчка. У 1628 годзе тут заснавалі кляштар дамініканцаў.

Пад уладай Расійскай імперыі

Кляштар дамініканцаў да (налева) і пасля (направа) маскоўскай перабудовы

У выніку трэцяга падзелу Рэчы Паспалітай 1795 года Высокі Двор апынуўся ў складзе Расійскай імперыі, у Троцкім павеце Віленскай губерні.

Па задушэнні паўстання 1830—1831 гадоў у 1832 годзе расійскія ўлады ліквідавалі кляштар дамініканцаў, а касцёл перабудавалі ў маскоўскім стылі пад царкву Урадавага сінода Расійскай імперыі. Каля 1895 года ў мястэчку было 28 будынкаў.

У 1907—1913 гадах у Высокім Двары паводле праекту архітэктара Антонія Філіповіча-Дубовіка збудавалі новы касцёл.

Найноўшы час

За часамі Першай сусветнай вайны ў 1915 годзе тэрыторыя акупаваная войскамі Германскай імперыі. Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Высокі Двор апынуўся ў складзе Літвы. З 1940 года ў складзе Літоўскай ССР. У часы Другой сусветнай вайны з чэрвеня 1941 да 1944 года мястэчка было пад акупацыяй Германіі.

З 1990 года ў складзе адноўленай незалежнай Літвы.

Насельніцтва

• XIX стагоддзе: ~1895 год — 634 чал., з іх 386 каталікоў, 41 праваслаўны, 8 евангелістаў, 194 іўдзеі і 5 мусульман^[3]
• XXI стагоддзе: 2001 год — 977 чал.

Славутасці

• Касцёл Божага Цела (1913)
• Касцёл Святога Дамініка і кляштар дамініканцаў (1667)
• Могілкі хрысціянскія
• Сядзіба Малеўскіх (1837)

Галерэя

• Краявіды Высокага Двара
• 
  Кляштар дамініканцаў
• 
  Кляштар, брама
• 
  Сядзіба
• 
  Касцёл Божага Цела