Кіраўнічы ўлік

Кіраўнічы ўлік — гэта інфармацыйная сістэма, мэтай якой з'яўляецца забеспячэнне менеджменту арганізацыі неабходнай інфармацыяй для мэт кіравання. Інфармацыйная падтрымка кіраўнічага ўліку ажыццяўляецца ў трох ключавых сферах: планаванне, кантроль, прыняцце кіраўнічых рашэнняў^[1].

Бухгалтарскі ўлік
Ключавыя паняцці
Бухгалтар • Бухгалтарскі рахунак Галоўная бухгалтарская кніга Абаротна-сальдавая ведамасць Справаздачны перыяд Уліковая палітыка Падвойны запіс • Праводка Дэбет і крэдыт • Актывы і пасівы Калькуляцыя • Сабекошт МСФС • GAAP
Фінансавая справаздачнасць
Бухгалтарскі баланс Справаздача аб прыбытках і стратах Справаздача аб руху грашовых сродкаў Справаздача аб змене капіталу Кансалідаваная • Камбінаваная
Вобласці бухгалтарскага ўліку
Улік затрат • Фінансавы ўлік • Судовая бухгалтэрыя Улік фондаў • Кіраўнічы ўлік • Падатковы ўлік Бюджэтны ўлік • Банкаўскі ўлік
Аўдыт
Фінансавы кантроль
Гэта панэль: глядзець размовы правіць

Калі бухгалтарскі ўлік у першую чаргу арыентаваны на знешнюю справаздачнасць (дзяржаўныя органы, падатковая служба, інвестары, крэдыторы), то кіраўнічы ўлік ствараецца выключна для кіраўніцтва арганізацыі^[2].

Сутнасць

Асноўным аб’ектам бухгалтарскага кіраўнічага ўліку з’яўляюцца^[3]:

• гаспадарчыя аперацыі;

• рэсурсы для вытворчасці;
• даходы, выдаткі, страты;
• усе філіялы, для якіх праводзіцца персанальны аналіз.

Кіраўнічы ўлік дазваляе:

• планаваць дзейнасць арганізацыі з дапамогай бюджэтавання;
• кантраляваць і скарачаць выдаткі і страты;
• высветліць, дзе фактычныя паказчыкі дзейнасці не адпавядаюць планавым;
• аналізаваць дзейнасць арганізацыі ў цэлым і ў асобных падраздзяленнях.

Таксама кіраўнічы ўлік дазваляе даведацца:

• пра колькасць запасаў на складзе;
• пра рэальны прыбытак за мінусам усіх выдаткаў;
• пра сабекошт прадукту або паслугі;
• пра абгрунтаванасць адпускной цаны;
• пра рэсурсы арганізацыі, якія можна інвеставаць у развіццё.