Маракеш

Маракеш (араб. مراكش‎) — адзін з чатырох імперскіх гарадоў Марока, трэці па велічыні горад краіны пасля Касабланкі і Рабата. Размешчаны на паўднёвым захадзе краіны ля падножжа Атласных гор. Насельніцтва — 1036 тыс. жыхароў (2006).

Горад Маракеш араб. مراكش‎ Герб Сцяг Краіна  Марока Каардынаты 31°38′ пн. ш. 8°00′ з. д.HGЯO Заснаваны 1065 Плошча 230 км² Вышыня цэнтра 465 м[1] Насельніцтва ▲1 002 697 чал. (2024)[2] Часавы пояс Заходнееўрапейскі час і UTC+0 Паштовыя індэксы 40000 Афіцыйны сайт ville-marrakech.ma Маракеш на карце Марока

Медыяфайлы на Вікісховішчы

Тапонім «Марока» — скажонае іспанскае вымаўленне назвы гэтага горада (ісп.: Marruecos). У мінулым Марока было вядома на ўсходзе пад імем Маракеш і да гэтага часу называецца так у Іране.

Гісторыя

Горад быў заснаваны ў 1062 годзе Юсуфам ібн Ташфінам, першым кіраўніком дынастыі Эль-Мурабітын, і на працягу стагоддзя служыў сталіцай спачатку Альмаравідаў, а з 1147 года — Альмахадаў, якія прыйшлі ім на змену. Залаты век Маракеша прыпаў на кіраванне Якуба аль-Мансура (1184—1199), які пабудаваў мячэці Кутубія і Эль-Мансурыя. 70-мятровы мінарэт мячэці Кутубія дагэтуль застаецца сімвалам Маракеша.

У 1269 г. Маракеш перайшоў пад уладу Марынідаў, якія перанеслі сталіцу ў Фес. У XVI стагоддзі Саадзіты вярнулі яму сталічныя функцыі. У горадзе захаваўся руінаваны палац Эль-Бадзі і комплекс грабніц гэтых кіраўнікоў. У 1912 г. Маракешам авалодалі сахарскія паўстанцы на чале з аль-Хібам, але горад быў неўзабаве адваяваны французамі і да 1956 г. уваходзіў у склад французскага пратэктарата Марока. Фактычнае кіраванне горадам знаходзілася ў руках феадальнага сямейства аль-Глаўі, адзін з прадстаўнікоў якога (Тамі аль-Глаўі) ініцыяваў у 1953 г. звяржэнне султана Мухамеда V.

Клімат

Клімат Маракеша
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Сярэдні максімум, °C	17,4	24,9	26,3	23,5	28,2	36,4	37,9	36,9	32,9	26,0	22,4	20,7	27,8
Сярэдняя тэмпература, °C	11,3	16,8	19,2	17,2	21,4	27,7	29,0	29,1	25,8	19,7	16,1	14,5	20,7
Сярэдні мінімум, °C	5,2	8,7	12,1	10,8	14,7	19,1	20,1	21,3	18,7	13,4	9,7	8,4	13,5
Норма ападкаў, мм	32,2	37,9	37,8	38,8	23,7	4,5	1,2	3,4	5,9	23,8	40,6	31,4	281,2

Славутасці

Сусветная спадчына ЮНЕСКА, аб’ект № 331 рус. • англ. • фр.

Медзіна Маракеша, прылічана ў 1985 г. да помнікаў Сусветнай спадчыны, завецца «чырвоным горадам» па прычыне рудаватага адцення глінабітных будынкаў і ўмацаванняў. У сэрцы медзіны — плошча Джэма эль-Фна. Тут можна ўбачыць акрабатаў, казачнікаў, прадаўцоў вады, танцораў, музыкантаў. За старым горадам распасціраецца працяглы пальмавы гай. Маракеш увогуле славіцца сваімі садамі і паркамі. Сярод іх варта вылучыць аліўкавы гай Менара і абнесеныя агароджай сады Агдал плошчай 405 га.

• 
  Мячэць Кутубія, пабудаваная іспанскімі палоннымі
• 
  Знакаміты сад Менара
• 
  Плошча Джэма эль-Фна
• 
  Рынак у Маракешы

Гарады-пабрацімы

•  Адэса, Украіна (7 мая 2019)^[3]
•  Аяча, Францыя
•  Гранада, Іспанія (1994)^[4][5]
•  Гранбі, Канада (лістапад 1981)^[6]
•  Клермон-Феран, Францыя
•  Мадрыд, Іспанія
•  Марсель, Францыя
•  Мекка, Саудаўская Аравія
•  Нью-Ёрк, ЗША
•  Парыж, Францыя
•  Сус, Туніс
•  Сідзі Беннур^[d], Марока
•  Тамбукту, Малі
•  Ташкент, Узбекістан
•  Тур, Францыя

Зноскі

1. https://it-ch.topographic-map.com/map-46jxgp/Marrakech/?zoom=19&center=31.6283%2C-7.99821&popup=31.62848%2C-7.99809
2. 2024 Moroccan census / пад рэд. High Commission for Planning — 7

   <a href='https://wikidata.org/wiki/Track:Q109658514'></a><a href='https://wikidata.org/wiki/Track:Q3128426'></a>
3. https://omr.gov.ua/ua/international/goroda-partneri/marrakesh-korolevstvo-marokko/
4. https://www.granada.org/v2010.nsf/xxtod/ciudadeshermanas
5. https://www.granada.org/inet/osm.nsf/mapas.htm?open&ruta=BDUKCMN
6. https://numerique.banq.qc.ca/patrimoine/details/52327/2870342