Цвінтарэй

Цвінтарэй^[1][2] (Centaurium) — род кветкавых раслін сямейства Гарычкавыя (Gentianaceae).

Цвінтарэй
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарычкакветныя Сямейства:  Гарычкавыя Род:  Цвінтарэй
Міжнародная навуковая назва
Centaurium Hill, 1756
Сінонімы
Erythraea Borkh.
Сістэматыка на Віківідах Выявы на Вікісховішчы ITIS   30026 NCBI   50750 EOL   60747 IPNI   8147-1

Батанічнае апісанне

Аднагадовыя, двухгадовыя і шматгадовыя травяністыя расліны вышынёй 5—35^[2] см. Сцябло прамое, чатырохграннае, голае або пакрытае кароткімі сасочкамі.

Centaurium erythraea. Батанічная ілюстрацыя Якаба Штурма з кнігі «Deutschlands Flora in Abbildungen», 1796

Лісце супраціўнае, простае, з суцэльным краем. Кветкі ружовага, радзей жоўтага або белага колеру, сабраныя ў разгалінаваныя вілаватыя, часам коласападобныя суквецці ці адзіночныя. Чашачка трубчастая, вуглаватая. Тычынак 5. Плод — каробачка.

Распаўсюджанне і экалогія

Расліны роду растуць пераважна ва ўмераных і субтрапічных зонах Паўночнага паўшар’я, таксама сустракаюцца ў Паўночнай Афрыцы, Аўстраліі і Паўднёвай Амерыцы (Чылі).

Віды

Род налічвае каля 50^[2] відаў.

Некаторыя з іх:

• Centaurium anatolicum (K.Koch) Tzvelev
• Centaurium erythraea Rafn — Цвінтарэй звычайны, ці Сардэчнік, ці Цэнтаўрыя, ці Тысячнік^[3]
• Centaurium littorale (D.Turner) Gilmour — Цвінтарэй прыморскі^[3]
• Centaurium pulchellum (Sw.) Druce — Цвінтарэй прыгожы^[3]
• Centaurium spicatum (L.) Fritsch
• Centaurium tenuiflorum (Hoffmanns. & Link) Fritsch

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 34. — 160 с. — 2 350 экз.
2. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
3. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.