Буйніцкі сельсавет

Бу́йніцкі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2010 года вёска) Буйнічы.

Буйніцкі сельсавет
Краіна	Беларусь
Уваходзіць у	Магілёўскі раён
Уключае	15 населеных пунктаў
Адміністрацыйны цэнтр	Буйнічы
Дата ўтварэння	20 жніўня 1924
Старшыня сельсавета	Гузава Аксана Мікалаеўна
Намеснік старшыні	Чубкова Алена Сцяпанаўна
Кіраўнік спраў	Барсукова Ала Іллінічна
Насельніцтва (2019)	7 005
Часавы пояс	UTC+03:00
Код аўтам. нумароў	6
Афіцыйны сайт

Гісторыя

Утвораны 20 жніўня 1924 года як Цішоўскі сельсавет у складзе Магілёўскага раёна Магілёўскай акругі БССР. Цэнтр — вёска Цішоўка. Пасля скасавання акруговай сістэмы 26 ліпеня 1930 года ў Магілёўскім раёне БССР, з 20 лютага 1938 года — Магілёўскай вобласці. Пад час Другой сусветнай вайны з ліпеня 1941 г. да чэрвеня 1944 г. акупіраваны нямецкімі войскамі. 16 ліпеня 1954 года да сельсавета далучана тэрыторыя скасаванага Дабрасневіцкага сельсавета^[1]. 22 ліпеня 1960 года да сельсавета далучана тэрыторыя Сялецкага сельсавета, у склад Пашкаўскага сельсавета перададзены 3 населеныя пункты (Казіміраўка, Прысна-I і Прысна-II), у склад Вендаражскага сельсавета — 10 населеных пунктаў (Барсукі, Вясёлы, Гуслішча, Гуслянка, Жабін Паўднёвы, Жабін Паўночны, Залессе, Навасёлкі, Паддуб’е і Ямніца), у склад Дашкаўскага сельсавета — 6 населеных пунктаў (Красніца-I, Красніца-II, Мяжысеткі, 12 раз’езд, Чарназёмаўка і Ялоўка)^[2]. 17 ліпеня 2006 года цэнтр сельсавета перанесены ў вёску Буйнічы, сельсавет перайменаваны ў Буйніцкі^[3]. 28 снежня 2010 года ліквідавана станцыя Буйнічы, а яе тэрыторыя ўвайшла ў склад аграгарадка Буйнічы^[4].

Насельніцтва

Насельніцтва сельсавета паводле перапісу 2009 года (16 населеных пунктаў) — 7031 чалавек^[5], з іх 92,6 % — беларусы, 5,4 % — рускія, 0,9 % — украінцы^[6]; паводле перапісу 2019 года — 7005 чалавек^[7].

Склад

У склад сельсавета ўваходзяць 15 населеных пунктаў (2010 г.):

Населены пункт	Статус	Насельніцтва, 2007	Гаспадаркі, 2007	Насельніцтва, 2009[8].
Брускі	вёска	141	81	133
Буйнічы	аграгарадок	1538	468	1596
Станцыя Буйнічы	пасёлак	2488	792	2419
Бутрымаўка	вёска	13	6	14
Веккер	вёска	26	15	29
Галынец 1	вёска	472	197	417
Галынец 2	вёска	138	66	115
Гарадок	вёска	164	72	146
Гарадшчына	вёска	172	91	199
Дабрасневічы	вёска	64	34	68
Зацішша	вёска	20	14	17
Ракузаўка	вёска	104	63	114
Савасцянавічы	вёска	227	91	250
Станцыя Галынец	пасёлак	...	...	432
Сташына	вёска	27	20	28
Цішоўка	вёска	1052	433	1054

Скасаваныя населеныя пункты на тэрыторыі сельсавета:

• Буйнічы — пасёлак і чыгуначная станцыя.

Вядомыя асобы

• Зоя Прохараўна Цітова (1919–1995) — Герой Сацыялістычнай Працы, нарадзілася ў вёсцы Галынец 1
• Сяргей Пятровіч Алейнікаў (1909—1983) — удзельнік савецка-фінскай і Вялікай Айчыннай войнаў, Герой Савецкага Саюза (19.08.1944), палкоўнік, нарадзіўся ў вёсцы Зацішша

Зноскі

1. Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Магілёўскага абласнога Савета дэпутатаў працоўных ад 22 ліпеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 26.
3. Решение Могилевского областного Совета депутатов от 17 июля 2006 г. № 18-12 О переименовании сельсовета Архівавана 22 снежня 2016.
4. Решение Могилевского районного Совета депутатов от 28.12.2010 г. № 7-18 Об упразднении сельского населенного пункта станция Буйничи и преобразовании деревень Могилевского района в агрогородки Архівавана 20 верасня 2020.
5. Насельніцтва населеных пунктаў Магілёўскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Магілёўскай вобласці Беларусі паводле перапісу 2019 года
8. Итоговые данные перепеси населения Республики Беларусь 2009 года Архівавана 31 кастрычніка 2021.