Apóstrofo

Un apóstrofo (’) é un signo ortográfico auxiliar, ás veces utilizado tamén como signo diacrítico. Consiste nunha coma ou comiña situada na parte superior do texto que sinala xeralmente a elisión dunha vogal.

’
Apóstrofo
Signos ortográficos
punto ( . ) coma ( , ) punto e coma ( ; ) dous puntos ( : ) puntos suspensivos ( … ) signo de interrogación ( ? ) signo de exclamación ( ! ) comiñas ( « » ) ( ‘ ’ ) ( “ ” ) parénteses ( ( ) ) corchetes ( [ ] ) raia ( ― ) guión ( ‐ ) barra diagonal ( / ) apóstrofo ( ' ) ( ’ ) acento ( ◌́ )   acento agudo ( ◌́ )   acento circunflexo ( ◌̂ )   acento grave ( ◌` ) diérese ( ◌̈ ) til ( ~ ) espazo (   )
Outros signos auxiliares
antilambda ( < > ) antígrafo ( ¶ ) arroba ( @ ) asterisco ( * ) asterismo ( ⁂ ) barra inversa ( \ ) barra vertical ( | ) ( ¦ ) cancelo ( # ) chaves ( { } ) cruz ( † ) ( ‡ ) e comercial ( & ) fin de artigo ( ∎ ) frecha ( → ) grao ( ° ) guión baixo ( _ ) ídem ( 〃 ) indicador ordinal ( º ) ( ª ) man ( ☞ ) moeda ( ¤ ) parágrafo ( § ) porcentaxe ( % ) prima ( ′ ) ( ″ ) ( ‴ ) punto de lista ( • ) punto medio ( · ) símbolos lóxicos ( ⇒ ) ( ¬) ( ∃ ) ( ⊤ ) ( ∴ ) símbolos matemáticos ( + ) ( ‒) ( × ) ( ÷ ) ( = ) ( ± ) símbolos monetarios ( ¤ ) ( $ ) ( ¢ ) ( £ ) ( ₤ ) ( ¥ ) ( € ) símbolos de propiedade intelectual ( © ) ( ℗ ) ( ® ) ( ™ ) ( ℠ ) ( Ⓜ )
Esta caixa: ver conversa editar

Usos no galego

• Para representar contraccións non normativas de carácter popular ou dialectal:

N'é [= non é] verdade

X'o [= xa o] dixera

• De modo optativo para manter íntegro o título dunha obra ou publicación que comeza con artigo cando se lle une a preposición "de" ou "en":

“A publicación dos Eoas” / “A publicación d’Os Eoas”

“Unha nova na Nosa Terra” / “Unha nova n'A Nosa Terra”

Uso como diacrítico

Algunhas linguas empregan o apóstrofo como sinal diacrítico con distintos usos:

• O apóstrofo é empregado para indicar unha consoante oclusiva glotal en linguas o guaraní,^[1], o chamorro,^[2] o tetum^[3] e o carelio.^[4]
• No võro,^[5] indica palatalización.
• No suahili,^[6] no luo^[7] e no luganda^[8] indica a diferenza entre ng’, que se pronuncia /ŋ/ e ng, que se pronuncia /ŋg/. No luganda emprégase ng’ cando non se pode escribir a letra ŋ.^[8]
• No bretón sinala a diferenza entre c'h, que se pronuncia /x/ e ch, que se pronuncia /ʃ/.^[9]
• No uzbeko emprégase para modificar o son do o e do g e para indicar unha oclusiva glotal.^[10]
• No italiano substitúe o acento grave ou o acento agudo: “perche’” en vez de “perché”.