Barra diagonal

A barra diagonal, barra oblicua^[1] ou barra^[2] (/) é un signo ortográfico auxiliar consistente nunha raia oblicua inclinada desde abaixo á esquerda a arriba á dereita.

/
Barra diagonal
Signos ortográficos
punto ( . ) coma ( , ) punto e coma ( ; ) dous puntos ( : ) puntos suspensivos ( … ) signo de interrogación ( ? ) signo de exclamación ( ! ) comiñas ( « » ) ( ‘ ’ ) ( “ ” ) parénteses ( ( ) ) corchetes ( [ ] ) raia ( ― ) guión ( ‐ ) barra diagonal ( / ) apóstrofo ( ' ) ( ’ ) acento ( ◌́ )   acento agudo ( ◌́ )   acento circunflexo ( ◌̂ )   acento grave ( ◌` ) diérese ( ◌̈ ) til ( ~ ) espazo (   )
Outros signos auxiliares
antilambda ( < > ) antígrafo ( ¶ ) arroba ( @ ) asterisco ( * ) asterismo ( ⁂ ) barra inversa ( \ ) barra vertical ( | ) ( ¦ ) cancelo ( # ) chaves ( { } ) cruz ( † ) ( ‡ ) e comercial ( & ) fin de artigo ( ∎ ) frecha ( → ) grao ( ° ) guión baixo ( _ ) ídem ( 〃 ) indicador ordinal ( º ) ( ª ) man ( ☞ ) moeda ( ¤ ) parágrafo ( § ) porcentaxe ( % ) prima ( ′ ) ( ″ ) ( ‴ ) punto de lista ( • ) punto medio ( · ) símbolos lóxicos ( ⇒ ) ( ¬) ( ∃ ) ( ⊤ ) ( ∴ ) símbolos matemáticos ( + ) ( ‒) ( × ) ( ÷ ) ( = ) ( ± ) símbolos monetarios ( ¤ ) ( $ ) ( ¢ ) ( £ ) ( ₤ ) ( ¥ ) ( € ) símbolos de propiedade intelectual ( © ) ( ℗ ) ( ® ) ( ™ ) ( ℠ ) ( Ⓜ )
Esta caixa: ver conversa editar

Para outras páxinas con títulos homónimos véxase: Barra.

Historia

A barra diagonal foi creada no século XII polo italiano Boncompagno da Signa para representar unha pausa curta, mentres que a raia representaba unha pausa maior.^[3]

Usos

• Separar conceptos alternativos: amor/odio.
• Separar masculino e feminino en adxectivos ou substantivos: mozos/as.
• Separar versos dun poema cando non se reproduce igual.
• Nalgúns casos separar cifras, como en leis ou datas.
• Utilízase en lugar do punto en certas abreviaturas: r/, s/n.^[1]
• Úsase en Lingüística para encerrar fonemas.^[2][4]

Outros usos non lingüísticos

• Pódese empregar para separar os elementos dunha data: 17/05/1963.^[1]
• No Sistema Internacional de Unidades representa un cociente de magnitudes: km/h.
• En Informática adoita representar enderezos e en linguaxes de programación representa a división.

Matemáticas

• Representar fraccións: ½ .
• En expresións relativas a conxuntos lese tales que.^[5]
• Úsase para representar un conxunto cociente: G/H.^[6]
• Para representar paralelismo úsanse dúas barras diagonais ou ben dúas barras verticais: r//s, r||s.
• Sobre certos símbolos significa “o contrario”, como ≠ (non é igual).

Signo diacrítico

Artigo principal: Trazo (diacrítico).

• A barra diagonal tamén se usa como signo diacrítico.^[7] O caso máis habitual é o da letra Ø, usada en varias linguas, como o dinamarqués e o noruegués.