1670

Árið 1670 (MDCLXX í rómverskum tölum) var 70. ár 17. aldar sem hófst á miðvikudegi samkvæmt gregoríska tímatalinu en laugardegi samkvæmt júlíska tímatalinu sem er tíu dögum á eftir.

Ár

1667 1668 1669 – 1670 – 1671 1672 1673

Áratugir

1651-1660 – 1661-1670 – 1671-1680

Aldir

16. öldin – 17. öldin – 18. öldin

Ísland

Ódagsettir atburðir

• Galdramál: Sigmundur Valgarðsson og Eyjólfur Jónsson frá Trékyllisvík voru hýddir fyrir galdra.
• Gísli Magnússon (Vísi-Gísli) skrifaði til sonar síns Björns, í Kaupmannahöfn, og biður hann um að senda sér fræ af furu, greni, eik, beyki, hör og hampi, sem og enskar kartöflur, sem þá höfðu ekki borist til Danmerkur.

Fædd

• Eyjólfur Jónsson, annálaritari (d. 1745)

Dáin

• Ketill Jörundarson, heyrari og skólameistari í Skálholtsskóla (d. 1603)

Opinberar aftökur

• Guðrún Bjarnadóttir tekin af lífi í Austur-Húnavatnssýslu, fyrir dulsmál.
• Gísli „Hrókur“ Sveinsson hengdur á Dyrhólum í Vestur-Skaftafellssýslu, að virðist fyrir þjófnaðarsök.^[1][2]

Atburðir

Uppreisnarmenn Stenka Rasíns í Astrakan á hollenskri koparstungu frá 1681.

• 27. janúar - Aurangzeb, keisari Mógúlveldisins á Indlandi gaf skipun um að eyða öllum Hindúahofum og skólum í ríkinu.
• 9. febrúar - Kristján 5. var smurður sem konungur Danmerkur.
• 18. mars - Petar Zrinski, landstjóri Króatíu innan hins heilaga rómverska keisaradæmis, hvatti til uppreisnar gegn valdhöfunum Habsborgurum. Hann var dæmdur til dauða ásamt mági sínum.
• 29. apríl - Klemens 10. varð páfi.
• 2. maí - Hudsonflóafélagið (The Governor and Company of Adventurers of England trading into Hudson's Bay) var stofnað með konungsleyfi. Það réð stórum hluta núverandi Kanada og norður-Bandaríkjunum.
• 26. maí - Karl 2. Englandskonungur og Loðvík 14. Frakkakonungur gerðu með sér leynilegan friðarsamning þar sem Loðvík lofaði að greiða Karli 200.000 pund árlega en Karl á móti lofaði að létta á andkaþólskri löggjöf í Englandi, styðja Frakka gegn Hollendingum og snúast sjálfur til kaþólskrar trúar.
• 24. júní - Stenka Rasín réðist inn í Astrakan, rændi borgina og stofnaði þar kósakkalýðveldi.
• 11. júlí - Spánverjar og Englendingar gerðu samning um skiptingu nýlendna í Vesturheimi.
• 1.-5. september - Réttað var yfir William Penn og William Mead þar sem þeir höfðu haldið kvekaramessu í London.
• 24. nóvember - Loðvík 14. gaf út framkvæmdaleyfi fyrir byggingu öryrkjaheimilisins Les Invalides í París.
• 15. desember - Sjóræninginn Henry Morgan hóf að herja á núverandi Panama og Kólumbíu.

Ódagsettir atburðir

• Höfuðborg Malíveldisins, Niani, var rænd af mönnum frá hinu rísandi Segouveldi.

Fædd

• 12. maí - Ágúst sterki, Póllandskonungur (d. 1733).
• 18. júlí - Giovanni Battista Bononcini, ítalskt tónskáld (d. 1747).
• 19. júlí - Richard Leveridge, enskur söngvari og tónskáld (d. 1758).

Dáin

• 19. febrúar - Friðrik 3. Danakonungur (f. 1609).
• 23. apríl - Loreto Vittori, ítalskt tónskáld (f. 1604).
• 23. maí - Ferdinand 2. stórhertogi, hertogi stórhertogadæmisins Toskana. (f.1610)
• 15. nóvember - Comenius, tékkneskur rithöfundur (f. 1592).