1610

Árið 1610 (MDCX í rómverskum tölum) var ár sem hófst á föstudegi samkvæmt gregoríska tímatalinu eða mánudegi samkvæmt júlíanska tímatalinu.

Ár

1607 1608 1609 – 1610 – 1611 1612 1613

Áratugir

1591–1600 – 1601–1610 – 1611–1620

Aldir

16. öldin – 17. öldin – 18. öldin

Ísland

• Jón Sigurðsson varð skólameistari í Skálholti.

Erlendis

Teikning Galileos af yfirborði tunglsins úr Sidereus Nuncius borin saman við ljósmynd.

Janúar

• 7. janúar - Galileo Galilei uppgötvaði tungl Júpíters; Íó, Evrópu og Kallistó.
• 13. janúar - Galileo Galilei uppgötvaði Ganýmedes.

Febrúar

• 8. febrúar - Kaþólska bandalagið í Þýskalandi ákvað að koma upp her undir stjórn Maximilíans af Bæjaralandi.
• 11. febrúar - Hinrik 4. Frakkakonungur hét Mótmælendabandalaginu stuðningi sínum á fundi í Schwäbisch Hall.

Mars

• 12. mars - Sænskur her undir stjórn Jacob de la Gardie frelsaði Moskvu í slagtogi við Rússa. En Pólsk-lítáíska samveldið hafði lagt borgina undir sig.
• 13. mars - Galileo Galilei gaf út niðurstöður fyrstu athugana sinna með sjónauka í ritinu Sidereus Nuncius.

Apríl

• 24. apríl - Hollenska Austur-Indíafélagið fékk verslunarleyfi í Pulicat á Indlandi.

Maí

Hinrik 4. myrtur

• 14. maí - Hinrik 4. Frakkakonungur var myrtur í París af kaþólska öfgamanninum Jean-François Ravaillac.

Júní

• 6. júní - Frans frá Sales og Jóhanna frá Chantal stofnuðu Þingmaríuregluna í Annecy.
• 7. júní - Eftirlifandi landnemar í Jamestown ákváðu að yfirgefa nýlenduna og snúa aftur til Englands.
• 10. júní - Fyrstu hollensku landnemarnir settust að á Manhattaneyju.
• 10. júní - Floti Thomas West kom með nýja landnema til Jamestown. Við það urðu bæjarbúar 300 talsins.
• 24. júní - Henri Membertou, höfðingi Mi'kmaq-ættbálksins, var fyrsti frumbygginn til að vera skírður til kristni.

Júlí

Pólskir vængjaðir húsarar í orrustunni við Klusjino.

• 4. júlí - Sænsk-rússneskur her beið ósigur fyrir Pólsk-litháíska samveldinu í orrustunni við Klusjino.
• 5. júlí - John Guy hélt af stað ásamt hópi enskra landnema til Nýfundnalands þar sem þeir ætluðu að stofna nýlendu.

Ágúst

• 3. ágúst - Henry Hudson kom í fyrsta sinn í Hudson-flóa sem hann taldi vera Kyrrahafið.
• 9. ágúst - Landnemar frá Jamestown réðust á bæ Paspahegh-indíána, myrtu tugi þeirra, rændu konu Powhatans höfðingja og börnum hennar og myrtu þau öll skömmu síðar. Þar með hófst Stríð Englendinga og Powhatana.
• Ágúst - Ingermanlenska stríðið hófst milli Svíþjóðar og Rússlands.

September

• 2. september - Prússland tók upp gregoríska tímatalið.
• 8. september - Gabríel Báthory sigraði Radu 10. Șerban, fursta af Vallakíu, og hrakti hann í útlegð.
• 19. september - Friðrik varð kjörfursti í Pfalz við lát föður śins.
• 21. september - Pólskur her lagði Moskvu undir sig og hélt borginni næstu tvö árin.

Október

• Október - Svíþjóð og Rússland gerðu með sér vopnahlé.
• 17. október - Loðvík 13. var krýndur konungur Frakklands.

Nóvember

• 8. nóvember - Galdramál - 6 eru brennd á báli fyrir gldra á Spáni eftir 2 ára dómsmál.
• 16. nóvember - Karl 9. undirritaði vopnahléssamning við Rússa í Ivangorod.

Desember

Raðmorðinginn Elísabet Báthory

• 1.-23. desember - Stéttaþing var haldið í Örebro þar sem sextán ára gamall ríkisarfinn, Gústaf Adolf, las upp ræðu konungs í stað föður síns sem var veikur.
• 19. desember - Pieter Both kom til Batam þar sem hann reisti höfuðstöðvar fyrir hollensk yfirráð í Indónesíu.
• 29. desember - Elísabet Báthory, hertogaynja í Transylvaníu, var handtekin, ákærð fyrir að hafa pyntað og myrt þjónustufólk sitt.

Ódagsettir atburðir

• Nurhaci, leiðtogi Mansjú-veldisins rauf tengsl við Ming-veldið í Kína.
• Franski stjörnufræðingurinn Nicolas-Claude Fabri de Peiresc uppgötvaði Óríon-stjörnuþokuna.
• Franski ævintýramaðurinn Étienne Brûlé uppgötvaði Huron-vatn.
• Borgin Santa Fe í Nýju-Mexíkó var stofnuð.
• Malíveldið lagðist af.

Fædd

• 13. janúar - María Anna af Austurríki, erkihertogaynja og landstjóri í Bæjaralandi (d. 1665).
• 13. febrúar - Jean de Labadie, franskur dulspekingur (d. 1674).
• 1. mars - John Pell, enskur stærðfræðingur (d. 1685).
• 4. mars - William Dobson, enskur listmálari (d. 1646).
• 22. apríl - Alexander 8. páfi (d. 1691).
• 14. júlí - Ferdinand 2. de'Medici, stórhertogi yfir Toskana (d. 1670).
• 30. júlí - Lorens von der Linde, sænskur hermarskálkur (d. 1670).
• 10. desember - Adriaen van Ostade, hollenskur listmálari (d. 1685).
• 12. desember - Heilagur Basil frá Ostrog, serbneskur dýrlingur (d. 1671).
• 18. desember - Charles du Fresne, franskur textafræðingur (d. 1688).

Dáin

Davíð með höfuð Golíats eftir Caravaggio frá því um 1609. Höfuð Golíats er talið vera sjálfsmynd listamannsins.

• 20. mars - Anna María Vasa, dóttir Gústafs Vasa (f. 1545).
• 11. maí - Matteo Ricci, ítalskur trúboði (f. 1552).
• 14. maí - Hinrik 4. Frakkakonungur myrtur af trúarofstækismanninum François Ravaillac (f. 1553).
• 14. júlí - Francisco Solano, spænskur trúboði (f. 1549).
• 18. júlí - Michelangelo Merisi da Caravaggio, ítalskur listmálari (f. 1571).
• 11. desember - Falski Dímitríj 2.
• 21. desember - Katrín Gústafsdóttir Vasa, dóttir Gústafs Vasa (f. 1539).

Tenglar