គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិ សម្រាប់អាស៊ី និងប៉ាស៊ីហ្វិក

គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់អាស៊ី និងប៉ាស៊ីហ្វិក ( ESCAP ) គឺជាគណៈកម្មការមួយក្នុងចំណោមគណៈកម្មការថ្នាក់តំបន់ទាំងប្រាំ ដែលស្ថិតនៅក្រោមយុត្តាធិការរបស់ក្រុមប្រឹក្សាសេដ្ឋកិច្ច និងសង្គមរបស់អង្គការសហប្រជាជាតិ ។ ^[១] វាត្រូវបានបង្កើតឡើងក្នុងគោលបំណងដើម្បីបង្កើនសកម្មភាពសេដ្ឋកិច្ចនៅអាស៊ី និងចុងបូព៌ា ក៏ដូចជាជំរុញទំនាក់ទំនងសេដ្ឋកិច្ចរវាងតំបន់ និងតំបន់ផ្សេងទៀតនៃពិភពលោក។

គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិ សម្រាប់អាស៊ី និងប៉ាស៊ីហ្វិក

អក្សរ​កាត់	ESCAP
ស្ថាបនា	28 មីនា 1947; 78 ឆ្នាំកន្លងទៅ (1947-០៣-28)
ប្រភេទ	សរីរាង្គបឋម - សាខាប្រចាំតំបន់ (Primary Organ – Regional Branch)
ឋានៈ​តាម​ផ្លូវ​ច្បាប់	សកម្ម
ទី​ស្នាក់ការកណ្ដាល	បាងកក, ថៃ
Head	លេខាធិការប្រតិបត្តិនៃគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិ សម្រាប់អាស៊ី និងប៉ាស៊ីហ្វិក អាមីដា សាល់សៀ អាលីចាបាណា
អង្គការ​មេ	ក្រុមប្រឹក្សាសេដ្ឋកិច្ច និងសង្គមរបស់អង្គការសហប្រជាជាតិ
គេហទំព័រ	www.unescap.org
តោរណៈPolitics

ផែនទីបង្ហាញពីរដ្ឋជាសមាជិកនៃគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់អាស៊ី និងប៉ាស៊ីហ្វិក។

គណៈកម្មការនេះមានសមាជិកចំនួន ៥៣ ប្រទេស និងសមាជិករងចំនួន៩ ដែលភាគច្រើនមកពីតំបន់ អាស៊ី និង ប៉ាស៊ីហ្វិក ។ ^[២] ក្រៅ​ពី​ប្រទេស​ក្នុង​តំបន់​អាស៊ី និង​ប៉ាស៊ីហ្វិក សមាជិក​របស់​គណៈកម្មការ​នេះ​រួម​មាន​ប្រទេស​បារាំង ហូឡង់ ចក្រភព​អង់គ្លេស និង​សហរដ្ឋ​អាមេរិក។

តំបន់ដែលគ្របដណ្ដប់ដោយគណៈកម្មាការនេះមានប្រជាជនចំនួន៤.១ពាន់លាននាក់ ឬ ២/៣ នៃចំនួនប្រជាជនពិភពលោក ដែលធ្វើឱ្យគណៈកម្មការសេដ្ឋកិច្ច និងសង្គមរបស់អង្គការសហប្រជាជាតិ សម្រាប់អាស៊ី និងប៉ាស៊ីហ្វិក មានភាពទូលំទូលាយបំផុតនៃគណៈកម្មការថ្នាក់តំបន់ទាំងប្រាំរបស់អង្គការសហប្រជាជាតិ។ ^[៣]

ប្រវត្តិសាស្ត្រ

គណៈកម្មការនេះត្រូវបានបង្កើតឡើងដំបូងដោយក្រុមប្រឹក្សាសេដ្ឋកិច្ច និងសង្គមនៅថ្ងៃទី២៨ ខែមីនា ឆ្នាំ១៩៤៧ ជាគណៈកម្មការសេដ្ឋកិច្ចរបស់អង្គការសហប្រជាជាតិសម្រាប់អាស៊ី និងចុងបូព៌ា ( ECAFE ) ដើម្បីជួយក្នុងការកសាងសេដ្ឋកិច្ចក្រោយសង្គ្រាម។ អាណត្តិសំខាន់របស់វាគឺ "ផ្តួចផ្តើម និងចូលរួមក្នុងវិធានការសម្របសម្រួលសកម្មភាពរួមគ្នាសម្រាប់ការកសាងឡើងវិញ និងការអភិវឌ្ឍសេដ្ឋកិច្ចនៃអាស៊ី និងចុងបូព៌ា"។ ^[៤]

នៅថ្ងៃទី១ ខែសីហា ឆ្នាំ១៩៧៤ គណៈកម្មការនេះត្រូវបានប្តូរឈ្មោះទៅជា គណៈកម្មការសេដ្ឋកិច្ច និងសង្គមសម្រាប់អាស៊ី និងប៉ាស៊ីហ្វិក ( ESCAP ) ដោយក្រុមប្រឹក្សាសេដ្ឋកិច្ច និងសង្គម ដើម្បីឆ្លុះបញ្ចាំងទាំងទិដ្ឋភាពសេដ្ឋកិច្ច និងសង្គមនៃការងាររបស់គណៈកម្មការ ក៏ដូចជាទីតាំងភូមិសាស្រ្តនៃសមាជិករបស់ខ្លួន។^[៥]

វិសាលភាព

គណៈកម្មាការនេះធ្វើការដើម្បីដោះស្រាយបញ្ហាប្រឈមដ៏ធំបំផុតមួយចំនួនដែលកំពុងប្រឈមនៅក្នុងតំបន់ តាមរយៈគម្រោងតម្រង់ទិសលទ្ធផល ជំនួយបច្ចេកទេស និងការកសាងសមត្ថភាពដល់រដ្ឋជាសមាជិកនៅក្នុងតំបន់ដូចខាងក្រោម៖ ^[៣]

• គោលនយោបាយ និងការអភិវឌ្ឍន៍ម៉ាក្រូសេដ្ឋកិច្ច
• ពាណិជ្ជកម្ម និងការវិនិយោគ
• ការដឹកជញ្ជូន
• ការអភិវឌ្ឍន៍សង្គម
• បរិស្ថាន និងការអភិវឌ្ឍន៍ប្រកបដោយចីរភាព
• បច្ចេកវិទ្យាព័ត៌មាន និងទំនាក់ទំនង និងការកាត់បន្ថយហានិភ័យគ្រោះមហន្តរាយ
• ស្ថិតិ
• សកម្មភាពអនុតំបន់សម្រាប់ការអភិវឌ្ឍន៍
• ថាមពល

លើសពីនេះ គណៈកម្មការផ្តល់វេទិកាមួយសម្រាប់រដ្ឋជាសមាជិករបស់ខ្លួន ដើម្បីលើកកម្ពស់កិច្ចសហប្រតិបត្តិការក្នុងតំបន់ និងសកម្មភាពសមូហភាពក្នុងការស្វែងរក របៀបវារៈឆ្នាំ២០៣០ សម្រាប់ការអភិវឌ្ឍន៍ប្រកបដោយចីរភាព ។ ^[៣]

រដ្ឋជាសមាជិក

មាន​រដ្ឋ​ជា​សមាជិក ​ពេញ​លេញ​ចំនួន៥៣ និង​សមាជិក​សហការ​ចំនួន៩ ដែល​រដ្ឋ​ចំនួន​បួន​មិន​មាន​ទីតាំង​ភូមិសាស្ត្រ​នៅ ​អាស៊ី ឬ ​អូសេអានី ​ទេ។

រដ្ឋសមាជិកពេញលេញ

ប្រទេសខាងក្រោមគឺជារដ្ឋសមាជិកពេញលេញនៃគណៈកម្មការ៖ ^[២]

*  អាហ្វហ្កានីស្ថាន^# (24 April 1953)

•  អាមេនី (26 July 1994)
•  អូស្ត្រាលី (28 March 1947)
•  អាស៊ែបៃហ្សង់ (31 July 1992)
•  បង់ក្លាដែស^# (17 April 1973)
•  ភូតាន^# (06 January 1972)
•  Brunei Darussalam (26 July 1985)
•  កម្ពុជា^# (20 August 1954)
•  ចិន^ǂ (28 March 1947)
•  Democratic People's Republic of Korea (the) (31 July 1992)
•  ហ្វីជី (03 August 1979)
•  បារាំង^{* ^} (28 March 1947)
• ទំព័រគំរូ:ទិន្នន័យប្រទេស Georgia (25 July 2000)
•  ឥណ្ឌា (28 March 1947)
•  ឥណ្ឌូណេស៊ី (28 September 1950)
•  Iran (the Islamic Republic of) (10 July 1958)
•  ជប៉ុន (24 June 1954)
•  កាហ្សាក់ស្ថាន (31 July 1992)
•  គិរីបាទី^# (26 July 1991)
•  កៀគីស្ថាន (31 July 1992)
•  Lao People's Democratic Republic (the) (16 February 1955)
•  ម៉ាឡេស៊ី (17 September 1957)
•  ម៉ាល់ឌីវ (05 August 1976)
•  Marshall Islands (the) (31 July 1992)
•  Micronesia (the Federated States of) (31 July 1992)
•  ម៉ុងហ្គោលី (21 December 1961)
•  មីយ៉ាន់ម៉ា^# (19 April 1948)
•  ណូរូ (20 July 1971)
•  នេប៉ាល់^# (06 June 1955)
•  Netherlands (the Kingdom of the)^* (28 March 1947)
•  នូវែលសេឡង់ (08 March 1948)
•  ប៉ាគីស្ថាន (30 September 1947)
•  ប៉ាឡូ (18 July 1996)
•  ប៉ាពួនូវែលគីនេ (27 August 1976)
•  Philippines (the) (28 March 1947)
•  Republic of Korea (the) (20 October 1954)
•  Russian Federation (the)^† (28 March 1947)
•  សាម័រ (05 July 1963)
•  សិង្ហបុរី (21 September 1965)
•  សូឡូម៉ុង^# (03 August 1979)
•  ស្រីលង្កា (10 December 1954)
•  តាជីគីស្ថាន (31 July 1992)
•  Thailand (28 March 1947)
•  Timor-Leste^# (18 July 2003)
•  តុងកា (20 July 1971)
•  Türkiye (18 July 1996)
•  តួកមេនីស្ថាន (31 July 1992)
•  ទូវ៉ាលូ^# (26 July 1985)
•  United Kingdom of Great Britain and Northern Ireland (the)^* (28 March 1947)
•  United States of America (the)^* (28 March 1947)
•  អ៊ូសបេគីស្ថាន (31 July 1992)
•  វ៉ានូអាទូ (27 July 1984)
•  Viet Nam (23 August 1954)

សមាជិករង

ប្រទេស និងដែនដីខាងក្រោមគឺជាសមាជិកសហការនៃគណៈកម្មការ៖ ^[២]

• ទំព័រគំរូ:ទិន្នន័យប្រទេស American Samoa^* (28 July 1988)
•  Cook Islands (the)^* (11 July 1972)
• ទំព័រគំរូ:ទិន្នន័យប្រទេស French Polynesia^* (31 July 1992)
•  ក្វាម^* (24 July 1981)
•  Hong Kong, China^{* †} (25 November 1947)
•  Macao, China^{* ǂ} (26 July 1991)
•  នូវែលកាឡេដូនី^* (31 July 1992)
•  នីវវេ^* (03 August 1979)
•  Northern Mariana Islands (the)^* (22 July 1986)

ទីតាំង

ការិយាល័យ​ក​ណ្តា​ល

ទីស្នាក់ការកណ្តាលរបស់គណៈកម្មការនៅទីក្រុងបាងកក ប្រទេសថៃ

គណៈកម្មាការនេះ មានទីតាំងដំបូងនៅក្នុងទីក្រុងសៀងហៃនៃសាធារណៈរដ្ឋចិន ចាប់តាំងពីគ្រឹះរបស់ខ្លួនរហូតដល់ឆ្នាំ១៩៤៩ នៅពេលដែលវាបានផ្លាស់ប្តូរទីស្នាក់ការកណ្តាលរបស់ខ្លួនទៅកាន់មជ្ឈមណ្ឌលសន្និសីទអង្គការសហប្រជាជាតិនៅទីក្រុងបាងកក ប្រទេសថៃ ។ ^[៥]