Венко Андоновски

Венко Андоновски (Куманово, 30 мај 1964) — македонски писател (романописец, раскажувач, драмски автор, поет, есеист, критичар и книжевен теоретичар. Дописен член на МАНУ.

Венко Андоновски
Роден	Венко Андоновски 30 мај 1964(1964-05-30) (61 г.) Куманово, СР Македонија, СФРЈ
Занимање	македонски писател, раскажувач, романописец, есеист, критичар и книжовен теоретичар.

Биографија

Венко Андоновски дипломирал на Филолошкиот факултет „Блаже Конески“, во Скопје. Тој е доктор по филолошки науки и работи како професор на Филолошкиот факултет „Блаже Конески“ во Скопје. Андоновски е член на Македонскиот ПЕН центар. Во 1990 година станал член на Друштвото на писателите на Македонија.^[1][2][3]

За дописен член на МАНУ бил избран на 30 март 2022 година.^[4]

Творештво

Творештвото на Андоновски е богато и се состои од поезија, раскази, романи, драми, есеи и книжевна критика. Тој е еден од најчитаните македонски писатели во 21 век: неговиот роман „Папокот на светот“ е продаден во повеќе од 12 000 примероци, а романот „Вештица“ го надминал тиражот од 7 000 примероци. Исто така, тој е еден од најпопуларните драмски писатели во Македонија. Неговите дела се преведени на десетина јазици: англиски, француски, руски, грчки, словенечки, хрватски, српски, бугарски итн.^[5]

Библиографија

Негови најважни дела се:^[6][7]

Поезија:

• Нежното срце на варварот, (1986).

Раскази:

• Квартот на лиричарите (1989),
• Фрески и гротески (1993).
• Припитомување на кучката (2018)^[8]

Романи:

• Азбука за непослушните (1994),
• Папокот на светот (2000),
• Вештица (2006),
• Ќерката на математичарот/33,33 (2013),
• Папокот на светлината (2022).^[7]

Драми:

• Адска машина (1993),
• Бунт во домот за старци (1994),
• Словенскиот ковчег (1998),
• Црни куклички (2000),
• Папокот на светот,
• Кандид во земјата на чудата (2001),
• Кинегонда во Карлаленд (2006),
• Граница (2008),
• Светица на темнината (2010),
• Олово на перница (2010),
• За секого има по една,
• Генетика на кучињата,
• Ана Каренина — македонска приказна,
• Исус на Масада,
• Господарот на кукавицата,
• Јов

Критика и културологија:

• Матошевите ѕвона (1996),
• Текстовни процеси (1997),
• Структура на македонскиот реалистичен роман (1997),
• Дешифрирања (2000),
• Воскресението на читателот,
• Обдукција на теоријата — Жива семиотика (том 1)
• Обдукција на теоријата — Наратологија (том 2)
• Зеницата на Македонија (Историја на македонската светлина), заедно со Глигор Стојковски
• Достоевски и Мекдоналдс (2019)^[9]

Филмски сценарија:

• Превртено

Награди и признанија

За своето книжевно творештво, Андоновски е добитник на наградите:^[2][3][6]

• „Рациново признание“,
• прва награда за роман на издавачот „Зумпрес“ - Скопје,
• наградата за најдобар драмски текст на Македонските театарски игри „Војдан Чернодрински“ - Прилеп,
• наградата на „Утрински весник“ за роман на годината,
• наградата „Балканика“ (за „Папокот на светот“),
• „Кочиќево перо“
• „Југра“ (руска награда за најдобар роман во словенските книжевности)
• 2013 - Награда „Стале Попов“ за „Ќерката на математичарот“.
• 2021 - Награда „Ванчо Николески“ за „Имаш пчела на носот: роман за њутајмер и олдтајмер тинејџери“^[10]
• 2022 - Награда „Стале Попов“ за „Папокот на светлината“.^[7]
• 2023 - Награда "Златна бубамара на популарноста