Словенска Европа

Словенска Европа или словенски држави е регион во Европа каде живеат словенски народи и се зборуваат словенски јазици. Овој регион зазема територии од Средна Европа, Источна Европа и Југоисточна Европа. Словенската Европа ги вклучува државите: Белорусија, Босна и Херцеговина, Бугарија, Македонија, Полска, Русија, Словачка, Словенија, Србија, Украина, Хрватска, Црна Гора и Чешка.

Словенска Европа
Знаме
Местоположба на Словенска Европа
Главни градови		Белград; Братислава; Варшава; Загреб; Киев; Љубљана; Минск; Москва; Подгорица; Прага; Сараево; Скопје; Софија;
Службени јазици		белоруски, босански, бугарски, македонски, полски, руски, словачки, словенечки, српски, украински, хрватски, црногорски, чешки.
Членство		Белорусија  Босна и Херцеговина  Бугарија  Македонија  Полска  Русија  Словачка  Словенија  Србија  Украина  Хрватска  Црна Гора  Чешка
Површина
•	Вкупна	18,682,932 км2
Население
•	проценка за  г.	282,221,685

Балтичките држави Естонија, Латвија и Литванија имаат значително словенско население, во Естонија околу 28% од населението се Словени, во Латвија 34%, а во Литванија 14%. Покрај нив, словенско население живее и во Австрија, Азербејџан, Албанија, Германија (Лужица), Грција, Ерменија, Италија, Косово, Молдавија, Романија, Турција, Унгарија, Финска, и ширум Северна и Средна Азија.

Религија и култура

Словенските народи и држави воглавни се поделени на два христијански правци, православие и католицизам. Оваа религиска поделба е јасно видлива меѓу Источните и Западните Словени, иако западна Украина била под силно влијание на католицизмот. Јужните Словени се поделени меѓу два христијански правци и исламот, па така Бугарија, Македонија, Србија и Црна Гора се доминантно православни, Словенија и Хрватска се католички, а Босна и Херцеговина е мнозински муслиманска ако се сметаат католицизмот и православието одделно, во спротивно државата нема доминантна религија.

Од културна гледна точка, Западните Словени политички и социјално се поблиску до западноевропските филозофски, уметнички, книжевни и архитектонски вредности. Источните Словени биле под влијание на Византија, половина од Јужните Словени под влијание на Византија, а подоцна поголемиот дел од нив бил под влијание на Отоманското Царство. Ова може да се види и според писмата кои се користат во државите, каде западнословенските држави (заедно со Словенија и Хрватска) користат латиница, додека останатите држави како Босна и Херцеговина, Србија и Црна Гора користат и латиница и кирилица, а Белорусија, Бугарија, Македонија, Русија и Украина користат само кирилица.

Држави

држава	изворно име	население[1]	површина во км2	БДП ($ милијарди)	главен град	службени јазици	официјално писмо	доминантна религија
Белорусија	Беларусь	9,503,807	207,595	45,126	Минск	белоруски и руски	кирилица	христијанство
Босна и Херцеговина	Bosna i Hercegovina Босна и Херцеговина	3,531,159	51,197	16,306	Сараево	босански, српски и хрватски	латиница и кирилица	нема
Бугарија	България	7,364,570	110,994	52,418	Софија	бугарски	кирилица	христијанство
Македонија	Македонија	2,022,547	25,713	10,424	Скопје	македонски	кирилица	христијанство
Полска	Polska	38,512,000	312,679	482,920	Варшава	полски	латиница	христијанство
Русија	Россия	142,856,536	17,075,200	1,560,000	Москва	руски	кирилица	христијанство
Словачка	Slovenská republika	5,397,036	49,035	89,134	Братислава	словачки	латиница	христијанство
Словенија	Slovenija	1,964,036	20,273	43,503	Љубљана	словенечки	латиница	христијанство
Србија	Србија Srbija	7,186,862	77,474	37,739	Белград	српски	кирилица и латиница	христијанство
Украина	Україна	48,416,000	603,500	87,000	Киев	украински	кирилица	христијанство
Хрватска	Hrvatska	4,284,889	56,594	51,945	Загреб	хрватски	латиница	христијанство
Црна Гора	Crna Gora Црна Гора	620,029	13,812	4,250	Подгорица	црногорски	латиница и кирилица	христијанство
Чешка	Česká republika	10,562,214	78,866	196,068	Прага	чешки	латиница	атеизам
	Вкупно:	282,221,685	18,682,932	2,676,833

Словенски симболи

држава	знаме	грб	држава	знаме	грб
Белорусија	(опис)	(опис)	Бугарија	(опис)	(опис)
Босна и Херцеговина	(опис)	(опис)	Македонија	(опис)	(опис)
Полска	(опис)	(опис)	Приднестровие (непризната)	(опис)	(опис)
Русија	(опис)	(опис)	Србија	(опис)	(опис)
Словачка	(опис)	(опис)	Словенија	(опис)	(опис)
Украина	(опис)	(опис)	Хрватска	(опис)	(опис)
Црна Гора	(опис)	(опис)	Чешка	(опис)	(опис)
		(опис)	Пансловенско знаме

Галерија

• 
  Присуство на Словените во Европа.
• 
  Словенски држави во Европа.