Хомондос

Хомондос или Хуманџа (грчки: Μητρούσι, Митруси; до 1927 г. Χομόνδος, Хомондос^[2]) — село во Серско, Егејска Македонија, денес во општината Сер на Серскиот округ, Грција. Населението брои 1.195 жители (2021).

Хомондос Μητρούσι
Хомондос
Местоположба во областа Хомондос Местоположба на Хомондос во Серскиот округ и областа Централна Македонија
Координати: 41°4.13′N 23°27.38′E
Земја	Грција
Област	Централна Македонија
Округ	Серски
Општина	Сер
Општ. единица	Капетан Митруси
Надм. вис.	&1000000000000001500000015 м
Население (2021)[1]
• Вкупно	1.195
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во средиштето на Серското Поле на запад од градот Сер и источно од Ениќој.

Историја

Потекло на името

Името на селото потекнува од поимот „хомот“ (старословенски: хомѫтъ, хомонт) со додадена грчка наставка.^[3]

Во Отоманското Царство

Во XIX век Хомондос бил чифлик во Серската каза на Серскиот санџак. Во „Етнографија на вилаетите Адријанопол, Монастир и Салоника“ се вели дека во 1873 г. Хомудос (Homoudos) е село со 114 домаќинства сочинети од 245 Македонци и 90 муслимани.^[4][5]

Во 1891 г. Георги Стрезов напишал за селото:

„

Хумондос, чифлик на х. Думба и Ингилиз-бег; на ЈЗ од Сер 1 час. Почва многу плодна, но затоа пак често за време на поплави е совршено јалова. 40 куќи, македонски.[6][7]

“

Според Васил К’нчов („Македонија. Етнографија и статистика“) во 1900 г. во селото живееле 200 Македонци христијани, 50 Турци и а20 Черкези.^[4][8]

Во Хомондос работеле грчката и бугарската пропаганда. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Хумандос (Houmandos) имало 24 Македонци егзархисти и 496 патријаршисти, 12 Власи и 48 Роми. Во него работело бугарско основно училиште.^[9]

Во Грција

За време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Таа година Хомондос броел 404 жители,н ово 1920 г. тие се намалиле на 333 лица.^[10] Во 1924 г. по сила на Лозанскиот договор сите муслимани се иселени во Турција, а на нивно место се доведени грчки колонисти. На пописот од 1928 г. Хомондос било етнички мешано село со 1.252 дојденци (252 семејства).^[11]

Во 1927 г. селото е преименувано во Митруси.

Месности во Хомондос преименувани со службен указ на 6 јули 1968 г.

Име	Име	Ново име	Ново име	Опис
Баглади[12]	Μπαγλαντί	Демена	Δεμένα[13]	местност на ЈИ од Долно Хомондос[12]
Харманка[12]	Χαρμάγκα	Палиалома	Παλιάλωνα[13]	местност на ЈЗ од Долно Хомондос и на ЈЗ од Горна Камила[12]
Талдарка	Ταλντάρκα	Кудуния	Κουδούνια[13]
Магданозо[12][14]	Μαϊντανώση	Майданотопос	Μαϊδανότοπος[13]	ниви и градини[14] на С од Хомондос[12]

Во 1997-2003 г. е изградена црквата „Успение на пресв. Богородица“.^[15]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.546	1.629	1.853	1.624	1.695	1.714	1.569	1.479	1.195

Извор за 1940-1991 г.: Т. Симовски, Населените места во Егејска Македонија

Личности

• Божил Стојанов — доброволец во четата на Иван Атанасов – Инџето за време на Српско-бугарската војна во 1885 г.^[16]
• Димитар Гоголаков (? – 1907) — гркомански андартски капетан
• Лазар Атанасов (Танасов) — борец во МОО, I чета на XI Серска дружина^[17]
• Христофор — директор на главното грчко училиште во Сер во 1867-1870 г., потоа монах во Серскиот манастир „Св. Јован Претеча“, активист на серскиот грчки Силогос^[18]