Атлантски часовен појас

Атлантски часовен појас — географски појас во кој се следи атлантското стандардно време (англиски: Atlantic Standard Time, AST), четири часа поназад од координираното универзално време (UTC-4); дел од годината некои делови преоѓаат на летно сметање на времето, и тогаш се три часа поназад (UTC-3). Часовничкото време во појасот се води по средното сончево време на 60° ЗГД.

Часовни појаси во Северна Америка

Во Канада, покраините Њу Бранзвик,^[1] Нова Шкотска^[2] и Островот Принц Едвард го водат времето изречно како четиричасовно отстапување од средново време по Гринич (GMT-4). Мали делови од Квебек (источниот Северен Брег и Магдаленските Острови) исто така се водат по атлантското стандардно време. Целиот Њуфаундленд и Лабрадор официјално се води по њуфаундлендското стандардно време,^[3] но во практика речиси сиот Лабрадор се води по атлантското.

Континенталниот дел на САД е целосно вон атлантскиот појас, но истиот сепак ги опфаќа териториите Порторико и Американски Девствени Острови.

Деловите од појасот кои преоѓаат на летно сметање го нарекуваат атлантско летно време (Atlantic Daylight Time, ADT) и тогаш се три часа зад GMT (UTC-3).

Опфат на појасот

• Антигва и Барбуда (нлв)
• Барбадос (нлв)
• Боливија (нлв)
• Бразил
  • Амазон (освен југозападниот дел), Рондонија, Рораима (нлв)
  • Мато Гросо, Јужно Мато Гросо
• Британски прекуморски територии, во следниве подрачја:
  • Ангвила (нлв)
  • Бермуда
  • Британски Девствени Острови (нлв)
  • Монтсерат (нлв)
  • Туркс и Кајкос (нлв)^[4]
• Венецуела (нлв)
  • воздухопловна база Туле
• Гвајана (нлв)
• Гренада (нлв)
• Гренланд, во следниве подрачја:
• Доминика (нлв)
• Доминиканска Република (нлв)
• Канада, во следниве подрачја:
  • Нова Шкотска
  • Њу Бранзвик
  • Остров Принц Едвард
  • највеќето од Лабрадор
  • Магдаленски Острови, Квебек
  • Северен Брег (источно од 63° ЗГД), Квебек
• Парагвај
• САД, во следниве подрачја:
  • Американски Девствени Острови (нлв)
  • Порторико (нлв)
• Света Луција (нлв)
• Свети Винсент и Гренадините (нлв)
• Свети Китс и Невис (нлв)
• Тринидад и Тобаго (нлв)
• Франција, во следниве подрачја:
  • Гваделуп (нлв)
  • Мартиник (нлв)
  • Свети Вартоломеј (нлв)
  • Свети Мартин (нлв)
• Холандија, во следниве подрачја:
  • Аруба (нлв)
  • Бонер (нлв)
  • Курасао (нлв)
  • Саба (нлв)
  • Свети Евстахиј (нлв)
  • Свети Мартин (нлв)
• Чиле (освен регионот Магаљанес и Антарктичката Територија)

Поврзано

• Време во САД
• Време во Канада