Општина Арачиново

Општина Арачиново — општина во северниот дел на Македонија, со седиште во Арачиново. Се состои од четири села: Грушино, Мојанци, Орланци и Арачиново.

Општина Арачиново
Општина
Знаме Грб
Држава	Македонија
Регион	Скопски
Година кога е основана со закон	1945 (како месен народен одбор), 1996
Седиште	Арачиново
Населени места	Список Арачиново, Грушино, Мојанци и Орланци
Управа
• Градоначалник	Ридван Ибраими
Површина
• Вкупна	31,3 км2 (12,1 ми2)
Население (2021)[1]
• Вкупно	12.676
• Густина	400/км2 (1,000/ми2)
Час. појас	CET (UTC+01:00)
• Лето (ЛСВ)	CEST (UTC+02:00)
Повикувачки број	+02
Регистарски таблички	SK
Мреж. место	haracina.gov.mk

Географија

Општина Арачиново се наоѓа североисточно од Скопје (околу 12 км од главниот град на Македонија). Во состав на општината се четири населени места: Арачиново, Грушино, Мојанци и Орланци. Низ општината поминува регионален пат што ги поврзува Скопје со Куманово и Липково.

Историја

1945-1952

Месниот народен одбор Арачиново бил основан во 1945 година. Тој бил дел од Маџарската Околија, Скопски Округ, и негови составни населени места биле Арачиново, Брњарци, Мојанци, Орланци и Страчинци.^[2] Во 1947 година, според новата административна поделба, Месниот народен одбор Арачиново го изгубил селото Страчинци, на сметка на проширениот МНО Синѓелиќ. МНО Арачиново тогаш припаѓал во Скопска Околија.^[3] Во 1950 година, според новата административна поделба, Месниот народен одбор Арачиново останал територијално непроменет.^[4] Согласно административната поделба од 1952 година, МНО Арачиново бил укинат и неговата општинска територија припаднала на Општина Синѓелиќ.^[5]

1996-до денес

Граници на општината од 2004-до денес.

Согласно општинската поделба од 1996 година, Општина Арачиново била обновена на сметка на намалената Општина Гази Баба. Нејзини населени места биле Арачиново, Брњарци, Грушино, Мојанци и Орланци.^[6] Според административната поделба од 2004 година, Општина Арачиново била била намалена на сметка на проширената Општина Гази Баба која го добила Брњарци.^[7]

Население

Според пописот од 1948 година, Месен народен одбор Арачиново имал 1,407 жители, односно вкупното население на Арачиново, Брњарци, Мојанци и Орланци.

Следува табела според народностите во пописот од 1948 година:^[8]

Народност	Вкупно
Македонци	490
Албанци	752
Турци	11
Роми	149
Срби	3
Неопределени муслимани	2

Демографска карта на општината, според пописот од 2002 година и границите од 2004 година.

Според пописот од 2002 година, Општина Арачиново имала 11,992 жители, односно вкупното население на Арачиново, Брњарци, Грушино, Мојанци и Орланци. Општината имала 2,377 домаќинства и 2,583 станови.

Следува табела според народностите во пописот од 2002 година:^[9]

Народност	Вкупно
Македонци	987
Албанци	10,879
Срби	13
Власи	1
Бошњаци	65
Останати	47

Врз основа на резултатите добиени од пописот во 2021 година, во општината живееле 12.676 жители, 2.848 домаќинства и 2.815 станови.^[10]

Следува табела според народностите во пописот од 2021 година:^[11]

Вкупно резидентно население во Општина Арачиново според изјаснувањето за етничката припадност

Етничка припадност	Вкупно	Удел (%)
Македонци	7	0,06
Албанци	12,353	97,45
Бошњаци	4	0,03
останати	2	0,02
лица без податоци†	310	2,45
Вкупно	12,676	100,00

Следува табела според вероисповедноста во пописот од 2021 година:

Вкупно резидентно население во Општина Арачиново според изјаснувањето за религиската припадност

Вероисповед	Вкупно
православни	1
муслимани	12.363
католици	1
христијани	0
протестанти	0
евангелисти	0
евангелисти-методисти	0
Јеховини сведоци	0
останати	1
евангелиски протестантски христијани	0
агностици	0
будисти	0
лица без податоци†	310
Вкупно	12.676

Следува табела според мајчиниот јазик во пописот од 2021 година:

Вкупно резидентно население во Општина Арачиново според мајчиниот јазик

Јазик	Вкупно
македонски	1
албански	12.357
турски	0
ромски	0
влашки	0
српски	0
бошњачки	6
останати	2
знаковен јазик	0
непознато	0
лица без податоци†	310
Вкупно	12.676

^† Овие лица учествуваат во вкупното резидентно население, но поради нивно одбивање (бојкотирање) не биле службено попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик. Кампањата за бојкот на пописот во 2021 година била најмногу водена кај Македонците, поради што најмногу лица за кои нема податоци се токму етничките Македонци.

Општествени установи

Во рамките на општината е и основното училиште „Скендербег” со повеќе од 1,000 ученици.

Самоуправа и политика

Градоначалник на општина Арачиново е Миликије Халими од редовите на СДСМ. Таа е избрана на локалните избори од 2017 година за мандатот од 2017 до 2021 година и воедно е првата жена градоначалник на оваа општина и прв градиначалник од редовите на СДСМ.^[12] Советот на општина Арачиново е составен од 9 члена. Според последните локални избори од 2017 година, членовите на советот според политичката припадност за мандатот 2017-2021 се:

  СДСМ: 9 места

  ДУИ: 3 места

  АА: 2 места

  БЕСА: 1 место

Културни и природни знаменитости

Цркви

• Црква „Талалеј“ во Арачиново - изградена во 1994 година, единствената црква во селото Арачиново, а една од малкуте во општината.

Редовни настани

Личности

Иселеништво