သမ္မတရုံး ဝန်ကြီးဌာန

နိုင်ငံတော်သမ္မတရုံးဝန်ကြီးဌာန (အင်္ဂလိပ်: Ministry of Office of the President of the Republic of the Union of Myanmar) သည် မြန်မာနိုင်ငံရှိ ဝန်ကြီးဌာနများတွင် နိုင်ငံတော် သမ္မတ တာဝန်ထမ်းဆောင်သည့်ရုံး ဖြစ်သည်။

နိုင်ငံတော်သမ္မတရုံးဝန်ကြီးဌာန

မြန်မာအစိုးရအဖွဲ့အစည်း
ပြည်​ထောင်စုဝန်ကြီး
အစိုးရအဖွဲ့အစည်း အကျဉ်းချုပ်
အဖွဲ့အစည်းအမျိုးအစား	ဝန်ကြီးဌာန
ဌာနချုပ်	သမ္မတရုံး - နိုင်ငံတော်သမ္မတအိမ်တော်၊ နေပြည်တော် ဝန်ကြီးဌာန - ရုံးအမှတ် (၁၈)၊ ​နေပြည်​တော်[၁]
ဝန်ကြီးများ	ဦးတင်အောင်စန်း ဦးကိုကိုလှိုင် ဦးမောင်မောင်တင့် ဦးထွန်းအုံ
ဝက်ဘ်ဆိုက်	president-office.gov.mm

၂၀၂၁ အာဏာသိမ်းပြီးနောက်တွင် နိုင်ငံတော်သမ္မတရုံးဝန်ကြီးဌာနသည် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံး ဝန်ကြီးဌာနများအဖြစ် ပြောင်းလဲဖွဲ့စည်းခဲ့သည်။

၂၀၂၅ ခုနှစ် ဇူလိုင် ၃၁ ရက် တွင် အမျိုးသားကာကွယ်ရေး နှင့် လုံခြုံရေးကောင်စီက ပြည်ထောင်စုအစိုးရအဖွဲ့အား ပြန်လည်ပြင်ဆင်ဖွဲ့စည်းခဲ့ရာတွင် နိုင်ငံတော်သမ္မတရုံးဝန်ကြီးဌာနကိုပါ ထည့်သွင်းဖွဲ့စည်းခဲ့ပြီး၊ ဝန်ကြီး (၄) ဦးအထိ ထားရှိခဲ့သည်။^[၂]

အနိုင်ရ လွှတ်​တော်ကိုယ်စားလှယ်များဖြင့် ဖွဲ့စည်းထားသည့် ပြည်ထောင်စုလွှတ်တော်ကိုယ်စားပြုကော်မတီ (CRPH) က ဦးလွင်ကိုလတ်အား ပြည်ထောင်စုဝန်ကြီး တာဝန်များကို ထမ်းဆောင်ရန် ခေတ္တပြည်​ထောင်စုဝန်ကြီးအဖြစ် ခန့်အပ်ထားသည်။^[၃]

သမိုင်းကြောင်း

စစ်အစိုးရအုပ်ချုပ်ရေးမှ ဒီမိုကရေစီအုပ်ချုပ်ရေးသို့ကူးပြောင်းရာ ၂၀၁၁ခုနှစ်တွင် စတင်ဖွဲ့စည်းခဲ့သည်။နိုင်ငံတော်ငြိမ်းချမ်းရေးလုပ်ငန်းစဉ်များ ဆောင်ရွက်ရန်၊ ၂၀၁၃ အရှေ့တောင်အာရှ အားကစားပြိုင်ပွဲကို လက်ခံကျင်းပရန်နှင့် ၂၀၁၄အာဆီယံထိပ်သီးအစည်းအဝေးကို လက်ခံကျင်းပရန်အတွက် ၂၀၁၂ခုနှစ် စက်တင်ဘာလ၄ရက်နေ့တွင် နိုင်ငံတော်သမ္မတရုံးဝန်ကြီးဌာနကို ဝန်ကြီးဌာန၆ခုအထိတိုးချဲ့ခဲ့သည်။ ^[၄]၂၀၁၃ခုနှစ် ဇန်နဝါရီလ၉ရက်နေ့တွင် သမ္မတဦးသိန်းစိန်က ထိုစဉ်က ပြန်ကြားရေးဝန်ကြီးဌာနဒုတိယဝန်ကြီး ဦးရဲထွဋ်ကို နိုင်ငံတော်သမ္မတရုံး၏ ပထမဆုံးသော ပြောရေးဆိုခွင့်ရပုဂ္ဂိုလ်အဖြစ် ခန့်အပ်ခဲ့သည်။^[၅]ထို့နောက်တွင် သမ္မတရုံးညွှန်ကြားရေးမှူးချုပ် ဦးဇော်ဌေးက ဆက်လက်ဆောင်ရွက်ခဲ့သည်။သမ္မတဦးထင်ကျော်လက်ထက်တွင် ဝန်ကြီးဌာနတစ်ခုတည်းအဖြစ်လျှော့ချခဲ့ပြီး ဒေါ်အောင်ဆန်းစုကြည်က ဝန်ကြီးအဖြစ်ဆောင်ရွက်ခဲ့သည်။

ဖွဲ့စည်းပုံ

• ပြည်ထောင်စုဝန်ကြီးရုံးအဖွဲ့
• သမ္မတဦးစီးရုံး
• ဒုတိယသမ္မတ (၁) ဦးစီးရုံး
• ဒုတိယသမ္မတ (၂) ဦးစီးရုံး
• နိုင်ငံရေးနှင့်လုံခြုံရေးဌာနကြီး
• စီးပွားရေးရာဌာနကြီး
• လူမှုရေးနှင့် ယဉ်ကျေးမှုဌာနကြီး
• စီမံရေးနှင့် ဘဏ္ဍာရေးဌာနကြီး
• အိမ်တော်များဌာနကြီး
• လုံခြုံရေးအရာရှိချုပ်ဌာနကြီး
• သုတေသန၊ သတင်းပြန်ကြားရေးနှင့် တိုင်ကြားစာများဌာနကြီး^[၆]

ဌာနချုပ်

နိုင်ငံတော်သမ္မတနှင့် ဒုတိယသမ္မတများရုံးထိုင်သည့် နိုင်ငံတော်သမ္မတရုံးကို နိုင်ငံတော်သမ္မတအိမ်တော်တွင် ထားရှိထားသည်။ထိုရုံးကို တာဝန်ခံသည့် နိုင်ငံတော်သမ္မတရုံးဝန်ကြီးဌာနအား နေပြည်တော်ရှိ ရုံးအမှတ် (၁၈)တွင် ပြည်ထောင်စုအစိုးရအဖွဲ့ရုံးဝန်ကြီးဌာနနှင့် တွဲ၍ ဖွင့်လှစ်ထားသည်။^[၁]၂၀၂၀ ပြည့်နှစ်တွင် ပြည်ထောင်စုတရားလွှတ်တော်အနီးတွင် ဝန်ကြီးရုံးအသစ် တည်ဆောက်လျက်ရှိသည်။^[၇]ရုံးအမှတ် (၁၈)သည် ယခင် နအဖအစိုးရလက်ထက်တွင် နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီရုံးနှင့် ဝန်ကြီးချုပ်ရုံးဝန်ကြီးဌာနတို့ ဖွင့်လှစ်ခဲ့သည့် ရုံးအဆောက်အဦးဖြစ်သည်။

ပြည်ထောင်စုဝန်ကြီးများ

№	ပုံ	အမည် (မွေးဖွား-ကွယ်လွန်)	ရာထူးသက်တမ်း			နိုင်ငံရေးပါတီ	နိုင်ငံတော်သမ္မတ	ဒုတိယဝန်ကြီး
			တာဝန်စတင်	တာဝန်ပြီးဆုံး	ရက်ပေါင်း
၁		ဦးသိန်းညွန့်	၃၀ မတ် ၂၀၁၁	၃၀ မတ် ၂၀၁၆	၁၈၂၇	USDP	ဦးသိန်းစိန်	-
၂		ဦးစိုးမောင်	၃၀ မတ် ၂၀၁၁	၃၀ မတ် ၂၀၁၆	၁၈၂၇
၃		ဦးစိုးသိန်း	၂၇ ဩဂုတ် ၂၀၁၂	၃၀ မတ် ၂၀၁၆	၁၃၁၁
၄		ဦးအောင်မင်း	၂၇ ဩဂုတ် ၂၀၁၂	၃၀ မတ် ၂၀၁၆	၁၃၁၁
၅		ဦးလှထွန်း	၂၇ ဩဂုတ် ၂၀၁၂	၃၀ မတ် ၂၀၁၆	၁၃၁၁
၆		ဦးတင်နိုင်သိန်း	၂၇ ဩဂုတ် ၂၀၁၂	၃၀ မတ် ၂၀၁၆	၁၃၁၁
ဦးထင်ကျော်နှင့် ဦးဝင်းမြင့်အစိုးရလက်ထက်
၇		ဒေါ်အောင်ဆန်းစုကြည်	၃၀ မတ် ၂၀၁၆	၁ ဖေဖော်ဝါရီ ၂၀၂၁	၁၇၆၉	NLD	ဦးထင်ကျော် ဦးဝင်းမြင့်	ဦးမင်းသူ
			နိုင်ငံ​တော်အတိုင်ပင်ခံပုဂ္ဂိုလ်ရာထူးနှင့် နိုင်ငံခြားရေးဝန်ကြီးရာထူးများပါတွဲဖက်ထမ်း​ဆောင်
ဦးညိုစောကက်ဘီနက်အဖွဲ့
၈		ဦးတင်အောင်စန်း	၃၁ ဇူလိုင် ၂၀၂၅	ယနေ့အထိ	၆ ရက်	တပ်မတော်	မင်းအောင်လှိုင် ယာယီသမ္မတ (တာဝန်)	-
၉		ဦးကိုကိုလှိုင်						-
၁၀		ဦးမောင်မောင်တင့်						ဦးထင်ကျော်သူ
၁၁		ဦးထွန်းအုံ						-

သမ္မတအကြံပေးပုဂ္ဂိုလ်များ (၂၀၁၁-၂၀၁၆)

ဦးသိန်းစိန်လက်ထက်

သမ္မတဦးသိန်းစိန်လက်ထက်တွင် စီးပွားရေး၊ သာသနာရေး၊ဥပဒေ၊ ပညာရေးဆိုင်ရာသမ္မတအကြံပေးပုဂ္ဂိုလ်များ ခန့်အပ်ခဲ့သည်။ သမ္မတအကြံပေးအဖွဲ့ဝင်၉ဦး^[၈]ကို ၂၀၁၁ခုနှစ် ဧပြီ၁၉ရက်နေ့တွင် ခန့်အပ်ခဲ့သည်။^[၉]၂၀၁၄ခုနှစ် ဇွန်လ၁၈ရက်နေ့တွင် ဦးမြင့်မောင်နှင့် ဦးစိန်ဝင်းအောင်ကို သာသနာရေးဆိုင်ရာ အကြံပေးအဖြစ် ထပ်မံခန့်အပ်ခဲ့သည်။^{[၁၀][၁၁][၁၂]}

၂၀၁၄ခုနှစ်အထိ သမ္မတအကြံပေးအချို့မှာ အောက်ပါအတိုင်းဖြစ်သည်။

• နိုင်ငံရေး: ဦးကိုကိုလှိုင်^[၁၃]
• စီးပွားရေး: ဦးမြင့်^[၁၃]
• ဥပဒေ: ဦးစစ်အေး^[၁၃]
• သာသနာရေး: ဦးမြင့်မောင်^[၁၁]
• ပညာရေး: ဒေါ်ရင်ရင်နွယ်^[၁၁]