Eurovision Song Contest 1958

Eurovision Song Contest 1958 (ESC 1958) var den tredje gongen Eurovision Song Contest vart arrangert. Tevlinga vart halden i AVRO Studios i Hilversum i Nederland. Finalen fann stad onsdag 12. mars. Frankrike vann tevlinga med songen «Dors, mon amour», sunge av André Claveau.

Eurovision Song Contest 1958
Dato
Vertskap
Stad AVRO Studios EuroPaíses Bajos.svg Hilversum i Nederland
Programleiar(ar) Hannie Lips
Dirigent Dolf van der Linden
Kringkastar(ar) NTS
Varigskap
Opningsnummer
Pausenummer
Finalen	Metropole Orkest
Bidrag
Debuterte Sverige
Trekte seg Storbritannia
Kart
ESC 1958 Map.svg
██ Land som deltok i tevlinga ██ Land som ikkje deltok i tevlinga
Røysting
Eurovision Song Contest
Eurovision Song Contest 1957 Eurovision Song Contest 1959

Tevlinga vart for fyrste gong arrangert av landet som vann året før, ein tradisjon som er vorte halden i hevd sidan. Røystinga gjekk føre seg på same måte som året før: Alle deltakarlanda hadde ein jury med ti medlemmar kvar, der kvart medlem gav eit poeng til den songen han eller ho likte best. Juryen var basert i heimlandet og vart kontakta via telefon. Sjølv om «Nel blu dipinto di blu», sungen av Domenico Modugno for Italia, berre enda på tredjeplass, vart han ein internasjonal bestseljar, kanskje best kjend under namnet «Volare». Songen låg mellom anna på fyrsteplass på den amerikanske Billboard-lista og vart løna med tre Grammy-prisar.

Sverige deltok i tevlinga for fyrste gong med ei av sine største stjerner på den tida, Alice Babs. Storbritannia trekte seg frå tevlinga slik at det var ti deltakarar, akkurat som i 1957. Eurovision Song Contest 1956 og Eurovision Song Contest 1958 er dei einaste tevlingane der det ikkje har vorte sunge nokon bidrag på engelsk.

Bidraga

Finale

• Finalen vart halden den 12. mars i AVRO Studios.
• Frankrike vann tevlinga for fyrste gong.
• Italia framførte sin låt to gongar på grunn av tekniske problem. Problemet førte til fyrste bruken av skiltet på fjernsynsskjermen der det står «Brot på biletsambandet med utlandet».
• Nederland og Luxembourg enda på ein delt niandeplass.

#	Land	Artist	Song	Språk	Poeng	Plass
01	Italia	Domenico Modugno	«Nel blu dipinto di blu»	Italiensk	013	03
02	Nederland	Corry Brokken	«Heel de wereld»	Nederlandsk	001	09
03	Frankrike	André Claveau	«Dors, mon amour»	Fransk	027	01
04	Luxembourg	Solange Berry	«Un grand amour»	Fransk	001	09
05	Sverige	Alice Babs	«Lilla stjärna»	Svensk	010	04
06	Danmark	Raquel Rastenni	«Jeg rev et blad ud af min dagbog»	Dansk	003	08
07	Belgia	Fud Leclerc	«Ma petite chatte»	Fransk	008	05
08	Vest-Tyskland	Margot Hielscher	«Für zwei Groschen Musik»	Tysk	005	07
09	Austerrike	Liane Augustin	«Die ganze Welt braucht Liebe»	Tysk	008	05
10	Sveits	Lys Assia	«Giorgio»	Tysk	024	02

Artistar som har delteke tidlegare

Artist	Land	Tidlegare år
Fud Leclerc	Belgia	1956
Margot Hielscher	Vest-Tyskland	1957
Corry Brokken	Nederland	1956 og 1957 (vinnar)
Lys Assia	Sveits	1956 (vinnar) og 1957

Det var den fyrste gongen at to tidlegare vinnarar deltok i tevlinga same år. Andre, og førebels siste, gongen det hende var i 2011.

Kommentatorar

Kommentatorar i land som deltok

Land	Kommentator	Kringkastar
Italia	Bianca Maria Piccinino	Programma Nazionale
Nederland	Siebe van der Zee	NTS
Frankrike	Pierre Tchernia	RTF
Luxembourg	Jacques Navadic	Télé-Luxembourg
Sverige	Jan Gabrielsson	Sveriges Radio-TV
Danmark		Statsradiofonien TV
Belgia	Arlette Vincent	INR
	Nand Baert	NIR
Vest-Tyskland	Wolf Mittler	Deutsches Fernsehen
Austerrike		ORF
Sveits	Theodor Haller	TV DRS
	Georges Hardy	TSR

Kommentatorar i land som ikkje deltok

Land	Kommentator	Kringkastar
Storbritannia	Peter Haigh	BBC Television Service
	Tom Sloan	BBC Light Programme

Kjelder

• Denne artikkelen bygger på «ESC 1958» frå Wikipedia på bokmål og VG.no, den 1. februar 2011.