Kiitalia

Kiitalia ("lingua italiana" au "italiano") ni lugha ya kirumi katika lugha za Kihindi-Kiulaya na ndiyo iliyo karibu sana na lugha ya Kilatini.Ikiwa na wasemaji milioni 85 ambao Milioni 67 kama lugha ya mama ni lugha ya 21 kubwa zaidi duniani.Ni lugha rasmi ya Italia, San Marino, Vatikano, Uswisi na katika sehemu za Slovenia na Kroatia.Inatumika pia katika Monako, Malta, Albania na visiwa kadhaa vya Ugiriki), halafu bado katika elimu katika nchi zilizokuwa makoloni ya Italia kama Eritrea, Libya, Ethiopia na Somalia.

"it" inaelekezwa hapa. Kwa matumizi mengine, tazama it (maana).

Kiitalia Italiano (it)
Lugha
Asili	Italia, San Marino, Uswisi (Ticino na Graubünden), Vatican
Wasemaji	L1 : 65 Milioni L2: 3.1 Milioni Jumla: 68 Milioni
Familia za lugha	Kihindi-Kiulaya Kilatini Kirumi Kiitalia-Kidalmati Kiitalia
Aina za Awali	Kilatini cha Kale Kilatini Halisi Kituscan Kiflorentia
Mfumo wa kuandika	Alfabeti ya Kilatini
Lugha Rasmi
Lugha rasmi kwa	Nchi 4
Nambari za Msimbo
ISO 639-1	it
ISO 639-2	ita
Glottolog	ital1282
Lugha ya Kiitalia na uenezi wake

Dante Alighieri (juu) na Petrarca (chini) walichangia sana kufanya lahaja ya Firenze ienee kuanzia karne za kati

Pietro Bembo alisanifu lugha ya Kiitalia kwa kutegemea lahaja ya Toscana

Watu wengi wanaokitumia kama lugha mama wamekisambaza katika nchi zote walikohamia, kama vile Ujerumani, Ufaransa, Ubelgiji, Marekani, Kanada, Brazil, Uruguay, Argentina, Venezuela, Australia n.k.^[1]

Ni ya 4 kati ya lugha za kigeni zinazosomwa zaidi duniani, hasa kwa sababu ya umuhimu wake katika ustaarabu, kuanzia muziki, lakini pia katika biashara, k.mf. ya bidhaa za utamaduni wa Italia.

Kihistoria asili yake ni lugha ya Kilatini, hivyo pamoja na Kifaransa, Kihispania, Kireno, Kiromania na lugha nyingine ndogo ni moja ya lugha za Kirumi. Kati ya lugha hizo, Kiitalia ndicho kinachofanana zaidi na Kilatini, labda baada ya Kisardinia.

Imegawanyika katika lahaja nyingi, hasa za Kaskazini na za Kusini mwa rasi hiyo. Imesanifiwa kwa msingi wa lahaja ya Firenze (mkoa wa Toscana, Italia ya Kati).