Wilaya ya Chemba

Chemba ni jina la wilaya mpya katika mkoa wa Dodoma, Tanzania yenye postikodi namba 41800^[1], ambayo ilianzishwa rasmi mnamo Machi 2012 kwa kumega wilaya ya Kondoa^[2].

Wilaya ya Chemba
Mahali paWilaya ya Chemba Mahali pa Chemba mkoani Dodoma
Majiranukta: 05°14′34″S 35°53′24″E
Nchi	Tanzania
Mikoa	Mkoa wa Dodoma
Idadi ya wakazi (2022)
- Wakazi kwa ujumla	339,333

Jiografia

Wilaya ya Chemba inapakana na wilaya ya Kondoa upande wa kaskazini, mkoa wa Manyara upande wa mashariki, wilaya ya Chamwino na wilaya ya Bahi upande wa kusini, na mkoa wa Singida upande wa magharibi.

Makao makuu ya wilaya yako Chemba.

Wakazi

Kadiri ya sensa ya mwaka 2012, wilaya ya Chemba ilikuwa na wakazi 235,711.^[3] Katika ile ya mwaka 2022 walihesabiwa 339,333 ^[4].

Wakazi wengi wa Chemba ni wakulima na wafugaji na mazao yao ni kama vile mahindi, ulezi, alizeti, uwele, udo. Wanyama wanaofugwa ni kama vile ng'ombe, mbuzi, punda na kondoo.

Chemba ni miongoni mwa sehemu ambazo zipo nyuma sana kielimu, pia eneo hili lina shida kubwa ya maji katika vijiji vyake vyote.

Usafiri

Barabara T5 kutoka Dodoma hadi Babati inapitia wilaya hii.^[5]

Ugatuzi

Kwa sasa Wilaya ya Chemba inajumuisha tarafa za Goima, Mondo, Kwamtoro na Farkwa pamoja na kata zake 26.^[3]

Kata

Babayu Chandama Chemba Churuku Dalai Farkwa

Goima Gwandi Jangalo Kidoka Kimaha Kinyamsindo Kwamtoro

Lahoda Lalta Makorongo Mondo Mpendo Mrijo

Msaada Ovada Paranga Sanzawa Songoro Soya Tumbakose