பாரதி (நடிகை)

பாரதி விஷ்ணுவர்தன் (பிறப்பு:15 ஆகத்து 1950)^[1] ஓர் இந்தியத் திரைப்பட நடிகையும், புகழ்பெற்ற இந்தியத் திரைப்பட நடிகர் விஷ்ணுவர்தனின் மனைவியும் ஆவார்.^[2] இவர் தமிழ், தெலுங்கு, மலையாளம், கன்னடம், இந்தி உள்ளிட்ட இந்திய மொழித் திரைப்படங்களில் நடித்துள்ளார். இவர் நடித்த திரைப்படங்களில் கன்னட மொழித் திரைப்படங்களே அதிகமாகும்.

பாரதி விஷ்ணுவர்தன்
பிறப்பு	பாரதிதேவி 15 ஆகத்து 1950 (1950-08-15) (அகவை 75) மைசூர் மாநிலம் (தற்போது கருநாடகம்), இந்தியா
தேசியம்	இந்தியர்
பணி	நடிகை, பின்னணிப் பாடகி, இணை இயக்குநர்
செயற்பாட்டுக் காலம்	1966 – தற்போது வரை
பெற்றோர்(கள்)	தந்தை : இராமச்சந்திர ராவ் தாயார் : பத்ராவதி
வாழ்க்கைத் துணை	விஷ்ணுவர்தன் (1975 – 2009;அவரது இறப்பு வரை)
பிள்ளைகள்	கீர்த்தி, சந்தனா
விருதுகள்	பத்மசிறீ (2017)

வாழ்க்கைக் குறிப்பு

இவர் இந்தியாவின், மைசூர் மாநிலத்தில் (தற்போது கர்நாடகம்) பிறந்தார். இவரது இயற்பெயர் பாரதிதேவி ஆகும். இவர் புகழ்பெற்ற கன்னடத் திரைப்பட நடிகர் விஷ்ணுவர்தனை 1975, பிப்ரவரி 27 அன்று பெங்களூரில் திருமணம் செய்து கொண்டார்.^[3] இவர்களுக்கு கீர்த்தி, சந்தனா என இரண்டு குழந்தைகள் உள்ளனர். இவரது கணவர் விஷ்ணுவர்தன் 2009, திசம்பர் 30 அன்று காலமானார்.^[4]

நடித்த திரைப்படங்கள்

தமிழ்த் திரைப்படங்கள்

ஆண்டு	திரைப்படம்	ஏற்ற வேடம்	இயக்குநர்	உடன் நடித்தவர்கள்
1966	நாடோடி	மீனா	பி. ஆர். பந்துலு	எம். ஜி. இராமச்சந்திரன், சரோஜா தேவி
1966	சந்திரோதயம்	கமலா	கே. சங்கர்	எம். ஜி. இராமச்சந்திரன், ஜெயலலிதா
1966	எங்க பாப்பா		பி. ஆர். பந்துலு	ரவிச்சந்திரன்
1966	நம்ம வீட்டு லட்சுமி		பி. ஆர். பந்துலு	முத்துராமன்
1967	தங்கத் தம்பி	சரஸ்வதி/சரசு	பிரான்சிஸ் ராம்நாத்	ரவிச்சந்திரன், வாணிஸ்ரீ, நாகேஷ்
1967	தெய்வச்செயல்		எம். ஜி. பாலு	முத்துராமன், மேஜர் சுந்தர்ராஜன்
1967	வாலிப விருந்து		முரசொலி மாறன்	ரவிச்சந்திரன், நாகேஷ்
1967	நான் யார் தெரியுமா		வி. என். ரமணன்	ஜெய்சங்கர், சோ
1968	உயர்ந்த மனிதன்	கௌரி	கிருஷ்ணன்-பஞ்சு	சிவாஜி கணேசன், சௌகார் ஜானகி, சிவகுமார், வாணிஸ்ரீ
1968	நிமிர்ந்து நில் (1968)	ராதா	தேவன்	ரவிச்சந்திரன்
1968	பூவும் பொட்டும்	அமுதா	தாதா மிராசி	ஏ. வி. எம். ராஜன், முத்துராமன், பானுமதி
1969	நான்கு கில்லாடிகள்		எல். பாலு	ஜெய்சங்கர், மேஜர் சுந்தரராஜன்
1969	தங்கச் சுரங்கம்	அமுதா	டி. ஆர். ராமண்ணா	சிவாஜி கணேசன், வெண்ணிற ஆடை நிர்மலா
1969	நில் கவனி காதலி		சி. வி. ராஜேந்திரன்	ஜெய்சங்கர், நாகேஷ்
1970	சிநேகிதி		ஜி. ராமகிருஷ்ணன்	ஜெமினி கணேசன், ரவிச்சந்திரன், சரோஜாதேவி
1971	அவளுக்கென்று ஒரு மனம்		சிறீதர்	ஜெமினி கணேசன், காஞ்சனா, முத்துராமன்
1971	மீண்டும் வாழ்வேன்		டி. என். பாலு	ரவிச்சந்திரன், ஆர். எஸ். மனோகர்
1972	அன்னமிட்ட கை	மருத்துவர் கல்பனா	எம். கிருஷ்ணன் நாயர்	எம். ஜி. இராமச்சந்திரன், ஜெயலலிதா
1972	உனக்கும் எனக்கும் (1972)		என். எஸ். மணியம்	ஜெய்சங்கர், சோ ராமசாமி
1972	பொன்வண்டு		என். எஸ். மணியம்	ஜெய்சங்கர், உஷா நந்தினி
1977	நீ வாழவேண்டும்		ஏ. பீம்சிங்	ரவிச்சந்திரன், நாகேஷ்
1990	உறுதிமொழி		ஆர். பி. உதயகுமார்	பிரபு, சுகன்யா
1995	கட்டபஞ்சாயத்து			கார்த்திக், கனகா
1998	சுந்தர பாண்டியன்			கார்த்திக், சுவாதி