南京市

六朝古都

三國辰光孫權定都來勒此地，名曰「建業」，還來勒周邊造仔石頭城咾啥個要塞。到了西晉末年，北方有五胡亂華，大量門閥逃跑來到南方，拿南京當做首都，先後建立了東吳，東晉，南朝宋，齊，梁，陳六個聯繫個政權。南京迭個辰光邪氣發達，城市人口有好幾十萬。六朝存在個辰光奠定了南京後頭文化個底蘊。從此之後，南京也被人家稱為六朝古都。

南朝後期佛教邪氣發達，號稱「南朝四百八十寺」，南梁侯景之亂一把火儕燒脫了。隋朝辰光踏平建康，改名「蔣州」。

隋唐宋

箇辰光南京發展比較緩慢，成為詩人懷古個所在，著名個李白、杜甫、杜牧儕以南京為題材，寫過著名詩篇。

南京後來個發達搭五代十國關係交關大。南唐建立之後，又選南京做了伊拉個首都，從此南京以秦淮河城南地區為核心發展，成為明朝南京城個基礎。到宋朝辰光，南京成為中等規模個城市，雖然地位搭後起個杭州還有蘇州、紹興弗好相比，但依然具有重要地位。江南東路個首府就擺勒南京。後頭個趙構來勒往南逃跑辰光，也曾經拿南京當過行都。

帝國京城

主文章：應天府（明朝）

蒙古人統治後期，南京被淮西個朱元璋佔領，朱元璋來勒爭奪統治權個鬥爭當中獲勝，南京也成為帝國個首都。朱元璋為了標榜伊自家個正統性，來勒南京大興土木，先後修造了南京明城牆，南京故宮,朝天宮，瞻園等景觀。北京個紫禁城，就是拿南京故宮當做模板個。伊死脫之後，就葬到紫金山高頭個明孝陵.明帝國來勒南京修造交關建築物，雖然後頭拿首都遷移到北京｜北平，但南京作為留都，還是擁有老高個地位，六部儕複製過來，國子監也保持原樣。讓南京個秦淮河成為才子佳人薈萃個場化。到明朝中後期，南京進一步發達，邪氣多個才子佳人儕來勒此地流連忘返，著名個柳如是、董小宛、李香君等，儕留下千古傳誦個愛情故事。

東南重鎮

到了清朝辰光，南京成為帝國統治江南個重鎮。也是兩江總督、江寧將軍個駐地。老早明故宮個區域被劃分成滿城，來勒現今長江路區域修造江寧織造署。南京保持了伊東南第一大城市個地位。清朝皇帝拿此地專門設置一些官職，比如江寧布政使，江寧將軍等，讓南京主要負責管轄江淮地區個各項事務。搭吳越地區各江蘇巡撫等分開來，南京具有特殊個地位。來勒迭個辰光，南京也保持江南文化中心個地位，邪氣多個退休官員搭文人，儕選擇南京作為自家個養老基地。比方講：袁枚就來勒南京修造隨園養老。一些文人也來到南京，吳敬梓就是來勒南京寫出儒林外史個。迭部小說也對南京個辰光個市井生活有充分描寫。1842年，來勒南京簽署個南京條約，讓帝國進入近代史階段。到1850年代，南京被廣西發端個太平天國佔據，城市經歷浩劫，一直到1864年才由湘軍收復。之後南京開始緩慢近代化。

國民政府首都

1911年年底，帝國爆發辛亥革命，南京被革命派選了當做首都。1912年元旦，孫中山來勒南京老早個兩江總督衙門宣誓就職，成為中華民國第一任大總統。臨時政府來勒南京運作三個多月頭，頒布了交關新式法令。奧1912年6月，北洋派正式拿首都搬回北京哉。南京由黃興擔任留守，弗過黃興沒有軍隊，沒過多少辰光辭職回湖南，南京來勒二次革命當中被北洋佔領，一直到1926年國民黨發動北伐戰爭之後，蔣介石準備搭汪精衛對立，才重新選擇南京作為伊自家政權個首都。從此開始南京個黃金十年.

為了標榜自家個正統性，淡化革命奪權個色彩，蔣介石對南京個規劃相當重視，請來頂級設計師規劃城市，新開馬路，種植梧桐樹。又修造了交關帶有傳統風格個建築物。

南京是中國個主要旅遊城市之一。也是中國個重要文化教育中心。人稱「六朝古都」，「六朝」是孫吳、東晉、劉宋、齊、梁、陳。十朝都會個「十朝」是「六朝」外加南唐、明、太平天國，中華民國。