Агароднікі (Пружанскі раён)

Агаро́днікі^[3] — вёска ў Пружанскім раёне Берасьцейскай вобласьці. Уваходзіць у склад Пружанскага сельсавету. Знаходзіцца за 4 км на поўнач ад Пружанаў, 16 км ад чыгуначнай станцыі Аранчыцы на лініі Баранавічы — Берасьце.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агароднікі (неадназначнасьць).

Агароднікі
трансьліт. Aharodniki
Першыя згадкі:	1563
Краіна:	Беларусь
Вобласьць:	Берасьцейская
Раён:	Пружанскі
Сельсавет:	Пружанскі
Насельніцтва
колькасьць:	9 чал. (2012)[1]
колькасьць двароў:	9
Часавы пас:	UTC+3
Тэлефонны код:	+375 1632
Паштовы індэкс:	225178[2]
СААТА:	1256848046
Нумарны знак:	1
Геаграфічныя каардынаты:	52°36′17″ пн. ш. 24°27′8″ у. д.
Агароднікі на мапе Беларусі ± Агароднікі Агароднікі

Этымалёгія назвы

Паводле пружанскай гісторыка і краязнаўцы Веры Церахавай, назва вёскі паходзіць ад слова «агарод», бо ў гэтай мясцовасьці жылі паселеныя фэўдаламі сяляне, што мелі абавязкі працаваць на невялікіх кавалках зямлі (вывозіць гной, араць, сеяць, касіць, зьбіраць ураджай, малаціць і да т. п.)^[4].

Мінуўшчына

Вёска зьявілася пасьля правядзеньня рэформы 1557 року ў Кобрынскай эканоміі. Згаданая пад 1563 рокам, калі 10 сем’ям агароднікаў было выдзелена асобнае месца^[4].

За расейскім часам — сядзіба Дабучынскай воласьці Пружанскага павету Гарадзенскай губэрні^[5]. У 1886 року 204 жыхары, 20 двароў, піцейны дом.

За польскім часам — у гміне Дабучын Пружанскага павету Палескага ваяводзтва^[6]. У 1921 — 123 жыхары, 48 двароў.

Зь верасьня 1939 року ў складзе БССР, з 15 студзеня 1940 у Пружанскім раёне Берасьцейскай вобласьці.

Насельніцтва

• XIX стагодзьдзе: 1886 год — 204 жыхары, 20 двароў
• XX стагодзьдзе: 1921 год — 123 жыхары, 48 двароў; 1970 год — 105 жыхароў (перапіс); 1999 год — 30 жыхароў
• XXI стагодзьдзе: 2005 год — 19 жыхароў, 15 двароў^[7]; 2010 год — 4 жыхары; 2012 год — 9 жыхароў, 9 двароў^[1]

Транспарт

Аўтамабільная дарога Н554 Белавусаўшчына — Парасьляны^[8].