Арэшкавічы (Пухавіцкі раён)

Арэ́шкавічы^[1] — вёска ў Пухавіцкім раёне Менскай вобласьці Беларусі. Уваходзіць у склад Блускага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Арэшкавічы.

Арэшкавічы
трансьліт. Areškavičy
Першыя згадкі:	1560
Краіна:	Беларусь
Вобласьць:	Менская
Раён:	Пухавіцкі
Сельсавет:	Блускі
Насельніцтва:	184 чал. (2009)
Часавы пас:	UTC+3
Тэлефонны код:	+375 1713
Паштовы індэкс:	222819
Нумарны знак:	5
Геаграфічныя каардынаты:	53°23′49″ пн. ш. 28°22′5″ у. д.
Арэшкавічы на мапе Беларусі ± Арэшкавічы Арэшкавічы

Знаходзіцца за 26 км на паўднёвы ўсход ад раённага цэнтру, 3 км ад чыгуначнай станцыі Талька на лініі Менск-Асіповічы на р. Сьвіслач.

Гісторыя

Селішчы

Селішча-1 Селішча-1 у вёсцы насупраць былой школы, на 1-й надпоймавай тэрасе левага берага р. Сьвіслач, на ўсход ад мосту праз раку. Выявіла і дасьледавала 40 м² у 2002 годзе А. У. Ільюцік. Культурны пласт 0,4 м. Знойдзена кругавая кераміка 10-15 ст., каменны тачыльны брусок, гліняны грузік, фаянсавая люлька, гліняная фігурка, пакрытая карычневай эмальлю, жалезны каваны цьвік. Да бронзавага веку адносяцца абломкі крэмню і фрагмэнты ляпнога арнамэнтаванага посуду.

Селішча-2 Селішча-2 у вёсцы, на 1-й надпоймавай тэрасе левага берага р. Сьвіслач, зьлева ад дарогі ў в. Малінаўка. Выявіла і дасьледавала 12 м² у 2002 годзе А. У. Ільюцік. Культурны пласт 0,4 м. Знойдзена кругавая непаліваная і паліваная кераміка, тэракотавая кафля з расьлінным арнамэнтам, шкляны посуд з пацінай, аконнае круглае шкло з загнутым краем, каваныя цьвікі, медны гузік. Датуецца 13-18 ст.

Вялікае Княства Літоўскае

Упершыню Арэшкавічы, што тады належалі Слушкам, успамінаюцца пад 1560 годам у інвэнтары Сьвіслачы.^[2][3] Населены пункт уваходзіў у склад Менскага павету Менскае ваяводзтва.

На пачатку XX ст. у Пухавіцкай воласьці Ігуменскага павету Менскай губэрні.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі створана працоўная школа 1-ай ступені. У 1922 годзе навучалася 50 хлопчыкаў і 13 дзяўчынак. У пачатку 1930-ых гг. створаны калгас «Арэшкавічы», працавала кузьня.

Да 30 кастрычніка 2009 году вёска ўваходзіла ў склад Талькаўскага сельсавету^[4].

Насельніцтва

• 1897 год — 76 двароў, душ м.п. — 234, душ ж.п. — 267^[5]
• пачатак XX ст. — 90 двароў, 572 жыхары
• 1917 год — 114 двароў, 661 жыхар
• 1969 год — 82 двары, 205 жыхароў
• 2002 год — 84 двары, 233 жыхары
• 2009 год — 184 чалавекі^[6]

Асобы

• Язэп Жыновіч (1907—1974) — музыкант-цымбаліст, дырыжор, кампазытар і пэдагог, народны артыст БССР (1955) і СССР (1968), прафэсар, ляўрэат Дзяржаўнай прэміі БССР

Славутасьці

• Археалягічныя помнікі - два селішчы