Бергела

Бергела (Біргела, Біргель, Біргіла, Беркела, Бергель), Бэргайла (Бэргаля, Біргяла) — мужчынскае імя і вытворнае ад яго прозьвішча.

Bergel
Паходжаньне
Мова(-ы)	германскія
Утворанае ад	Berga + Gelo Berga + суфікс з элемэнтам -л- (-l-)
Іншыя формы
Варыянт(ы)	Бергель, Біргела, Біргель, Біргіла, Бэргайла, Бэргаля, Беркела, Пергайла, Біргяла
Вытворныя формы	Баргайла
Зьвязаныя артыкулы
якія пачынаюцца з «Берґела»

Паходжаньне

Асноўны артыкул: Імёны ліцьвінаў

Бергіла, пазьней Бэргель або Бірэгель (Bergila, Bergel^[1], Bieregel^[2]) — імя германскага паходжаньня^[3], вытворнае ад імя Berga^[4]. Іменная аснова -берг- паходзіць ад гоцкага bairgan 'хаваць, захоўваць'^[5], а аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) — ад гоцкага і бургундзкага gails 'жвавы, свавольны, ганарысты'^[6]. Апроч таго, у старажытных германскіх імёнах шырока бытаваў антрапанімічны суфікс-пашыральнік з элемэнтам -л- (-l-)^[7].

Адпаведнасьць імя Бергайла германскаму імю Bergil (Berkil) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[8].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Berger^[9].

У 1595 годзе ў Каралявецкім унівэрсытэце навучаўся Valentinus Bergaw, Friedlandinus Borussus, у 1622 годзе — Adrianus Bergaw, Kaymensis Borusssus, у 1627 годзе — Daniel Berger, Regiomont. Borussus^[10].

У Польшчы адзначаюцца прозьвішчы Бэргала (Bergałło) і Біргель (Birgel, Birgiel)^[11].

Варыянты імя ў гістарычных крыніцах: [земля] Перкгаилова (1440—1492 гады)^[12]; в Жижморъскои волости десяти чоловеков къ своему дворцу на Вельи… Невра Биркгеловича (14 кастрычніка 1494 году)^[13]; Augustinus Bergel (17 сакавіка 1584 году)^[14]; s panem Adamem Pergayłowiczem^[15], Pani Biergielowa wysłała syna po kozacku na koniu^[16] (1621 год); Якимь Берекгеленко (1649 год)^[17]; Микулай Александров сын Беркелов, Якуб Александров сын Беркелов^[18], Ян Александров сын Бергель^[19] (1655 год); Kazimierz Biergiel (1690 год)^[20]; Magdalena Birgiłówna (1730 год)^[21]; Jakub Biergiel… Jan Biergiel… Jerzy Biergiel… Bartłomiey Biergiel… Maciey Biergiel… Paweł Biergiel (1765 год)^[22]; Franciszek Bergiel (9 лютага 1785 году)^[23]; Andrzej Biergiel… Kazimierz Biergiel… Jan Biergiel… Adam Biergiel (16 лістапада 1790 году)^[24]; Bartłomiej Biergiel (18 лістапада 1790 году)^[25]; Biergiell Zygmund… Biergiell Wojciech (1832—1834 гады)^[26][a]

Носьбіты

• Бергелава — ваўкавыская баярыня, якая ўпамінаецца ў 1621 годзе
• Юры, Барталамей, Ян, Адам, Андрэй, Уладзіслаў, Пётар і Караль Бергелі — шляхцічы Гарадзенскага павету, якія ўпамінаюцца ў 1783 годзе^[31]

Бергелі^[32] (Bergel) гербу Бэлты — літоўскі шляхецкі род зь Вільні і Віленскага павету^[33].

Бергелі (Biergiel) — літоўскі шляхецкі род зь Вільні^[34].

Бэргайлы гербу Бэлты^[35] і Біргялы гербу Порай — літоўскія шляхецкія роды^[36].

Перґайловічы-Станевічы — літоўскі шляхецкі род^[37].

Бэргелевічы (Bergielewicz) гербу Бэлты — шляхецкі род Рэчы Паспалітай^[38].

Бэргаля (Bergalo) і Біргель (Birgiel) — прозьвішчы, зафіксаваныя ў XIX стагодзьдзі ў ваколіцах Сувалкаў^[39].

На гістарычнай Ваўкавышчыне існуе вёска Бергелі.

Заўвагі

1. Таксама:

   • Бэрг (адзначалася старажытнае германскае імя Berga, пазьнейшае Berg^[27]): Бэргі (Berg) гербу ўласнага — літоўскі шляхецкі род^[28], у гістарычнай Прусіі існуе вёска Бэргаў;
   • Сьпіргайла (параўн.: Dawid Żminigajło Jawgiel, т. б. z Minigajła^[29]): Сьпірґайлы — літоўскі шляхецкі род^[30]