Бушка (баярын літоўскі)

Бушка — уплывовы літоўскі баярын.

Бушка
лац. Buška

Асабістыя зьвесткі
Род	Кезгайлы, Даўгялы[d] і Валімонтавічы гербу Задора[d]
Дзеці	Валімонт Бушкавіч
Дзейнасьць	арыстакрат

Відаць, меў уладаньні каля Майшаголы (у крыжацкім помніку «Паведамленьні аб літоўскіх дарогах» упамінаецца Busekindorf у Дзяволтве)^[1].

Імя

Асноўны артыкул: Бушка

Босіка, пазьней Буска або Бушка (Bosico, Buske, Buschke^[2]) — імя германскага паходжаньня^[3]. Іменная аснова -бус- (-бос-) (імёны ліцьвінаў Бушыла, Бушман; германскія імёны Busilo, Bussman) паходзіць ад стараверхненямецкага bōsi 'варожы, злы'^[4] або ад германскага buozan 'паляпшаць, прыносіць карысьць'^[5].

Варыянты імя ў гістарычных крыніцах: Busko (Хроніка Віганда)^[6], Buseke (29 верасьня 1379 году^[7])^[8].

Біяграфія

Зь літоўскага баярскага роду, магчыма, зь Дзяволтвы. Упершыню ўпамінаецца ў «Хроніцы» Віганда з Марбургу пад 1365 годам годам, калі ачольваў аддзел войскаў Вялікага Княства Літоўскага колькасьцю ў 400 ваяроў у Майшаголе. Таксама ўпамінаецца ў Троцкай умове (1379 год).

Меў сына Валімонта, які выступаў у Гарадзенскай умове (1398 год) як Buschken son^[1].