Валімонт Бушкавіч

Валімонт Бушкавіч (у каталіцтве Станіслаў; каля 1350 — па 1398) — літоўскі баярын.

Валімонт Бушкавіч
лац. Valimont Buškavič

Асабістыя зьвесткі
Нарадзіўся	каля 1350
Памёр	па 1398
Род	Кезгайлы
Бацькі	Бушка
Дзеці	Румбольд, Кезгайла, Яўнут, Шадзібор, Гудзігерд, Судзівой

Валодаў Дзевялтовам, Соламі і Сьвядасьцю ў Вількамірскім павеце^[1].

Імя

Асноўныя артыкулы: Валімонт і Бушка

Валтмунт, Валмунт або Валмонт (Waltmunt, Walmunt, Walmont^[2]) — імя германскага паходжаньня^[3]. Іменная аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) паходзіць ад гоцкага і германскага waldan 'валодаць, гаспадарыць' або wulþus 'слава, мажнасьць'^[4], а аснова -мунд- (-мунт-, -монт-) (імёны ліцьвінаў Монтгерд, Жыгімонт, Скірмунт; германскія імёны Mundgerd, Sigimunt, Sciremunt) — ад германскага *mundô 'рука, абарона, крэўнасьць'^[5] або гоцкага munds 'моц розуму, імкненьне', mundrs 'гарлівы, палкі'^[6]. Такім парадкам, імя Валімонт азначае «гарлівасьць улады»^[7].

Адпаведнасьць імя Вальмант германскаму імю Walmont сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[8].

Варыянты імя ў гістарычных крыніцах: Walmundt Buschken son (23 красавіка 1398 году)^[9]; Walimund Buschken son^[10], Walimund, filius Bosken^[11], Walmund filius Bussky^[12][13] (12 кастрычніка 1398 году); Stanislaus alias Volymonth (1445 год)^[14][15].

Біяграфія

Зь літоўскага баярскага роду, сын Бушкі, пачынальніка роду Кезгайлаў. Выступае як сьведка ў Гарадзенскай і Салінскай умовах (1398 год).

Меў сыноў Румбольда, Кезгайлу, Яўнута, Шадзібора, Гудзігерда і Судзівоя. У лісьце інфлянцкага магістра ад 1416 году як «брат Румбольда» ўпамінаецца літоўскі баярын Зігебут^[16] (Segebut^[17])^[18].

Упамінаецца ў 1445 годзе ў памянным запісе жонкі Кезгайлы Алены ў кнізе Кракаўскага ўнівэрсытэту^[15].