Бушка

Бушка (Бусека, Бушэйка), Буска (Бозейка, Босіка, Боська) — мужчынскае імя і вытворнае ад яго прозьвішча.

Buschke
Паходжаньне
Мова(-ы)	германскія
Утворанае ад	Busch + суфікс з элемэнтам -к- (-k-)
Іншыя формы
Варыянт(ы)	Буска, Босіка, Боська, Бусека, Бушэйка, Бозейка
Зьвязаныя артыкулы
якія пачынаюцца з «Бушка»

Паходжаньне

Асноўны артыкул: Імёны ліцьвінаў

Босіка, пазьней Бусэка, Буска або Бушка (Bosico, Buseke^[1], Buske^[2], Buschke^[3]) — імя германскага паходжаньня^[4][5]. Іменная аснова -бус- (-бос-) (імёны ліцьвінаў Бушыла, Бусінь, Бушман; германскія імёны Busilo, Buosin, Bussman) паходзіць ад стараверхненямецкага bōsi 'варожы, злы'^[6] або ад германскага buozan 'паляпшаць, прыносіць карысьць'^[7].

Паводле менскага дасьледніка Алёхны Дайліды, які разьвівае усходнегерманскую этымалёгію імёнаў літоўскіх князёў і баяраў, імя Бушка паходзіць ад гоцкага buska 'цялеш'^[5].

Імя Бушка гістарычна бытавала ў Польшчы: Buszco / Busco (1404 год)^[8].

Варыянты імя ў гістарычных крыніцах: Buseke (29 верасьня 1379 году^[9])^[10]; Busekindorfe (Паведамленьні аб літоўскіх дарогах)^[11]; Busko (Хроніка Віганда)^[12]; Walmundt Buschken son (23 красавіка 1398 году)^[13]; Walimund Buschken son^[14], Walimund, filius Bosken^[15], Walmund filius Bussky^[16][17] (12 кастрычніка 1398 году); ad curiam Gedeghinnen, que nunc Bussike dicitur (Хроніка Лівоніі Германа Вартбэрга)^[18]; князю Юрю Михаиловичу братня Анъдреевая доля… Бушкевичи (1440—1492 гады)^[19]; мещане Мозырские… Иванъ Босиковичъ (1552 год)^[20]; Bosko Bondar (2 траўня 1558 году)^[21]; szl. Jan s. Pawłow Buskowicz (14 траўня 1569 году)^[22]; село Вишневъ… на другой волоце Данко Бушко, въ него сыновъ два, на име Андрей, Данило Данковичъ (18 жніўня 1591 году)^[23]; Oniszko Buszko (13 кастрычніка 1591 году)^[24]; Andrzeia Bozeyka (26 траўня 1645 году)^[25]; Богдань Бушко (1649 год)^[26]; Fiedor Buszeyko… Illasz Busieyko… Lewon y Adam Buszeyki… Lewon Buszeyko… Lewon Busieyko (30 чэрвеня 1652 году)^[27]; Maciey Buskiewic z Żoną y Synem komornica (1673 год)^[28]; Iwan Busko (28 сьнежня 1778 году)^[29]; Chwedor Boszko (30 студзеня 1779 году)^[30]; Mikołay Boszko (15 сакавіка 1794 году)^[31]; Antoni Buszejko (1801 год)^[32].

Носьбіты

• Бушка — уплывовы літоўскі баярын, меў сына Валімонта
• Мікалай Бускевіч — гарадзенскі мешчанін, які ўпамінаецца ў 1627 годзе^[33]
• Міхаіл і Самуэль Бушэйкі, Гаўрыла Бушка — жыхары мястэчка Дзяляцічаў, вёсак Рахаўцаў і Загор’я (Наваградзкае ваяводзтва), якія ўпамінаюцца ў 1734 годзе^[34]
• Астап і Тамаш Боські — жыхары вёскі Купіску (Наваградзкае ваяводзтва), якія ўпамінаюцца ў 1774 годзе^[35]

Бушкевічы (Buszkiewicz) — літоўскі шляхецкі род з Троцкага павету (ваколіцы Жыжмараў)^[36].

Бусковічы (Buskowicz) — літоўскі шляхецкі род зь Вільні^[37].

Бушка (Buszko) — прозьвішча, зафіксаванае ў XIX стагодзьдзі ў ваколіцах Сувалкаў^[38].

Буске (Buske), Бушка (Buszko) і Бушкевіч — прозьвішчы, гістарычна зафіксаваныя на тэрыторыі цяперашняй Летувы^[39].

На 1903 год існавала вёска Бушкішкі ў Панявескім павеце Ковенскай губэрні^[40].

На гістарычнай Наваградчыне існуе вёска Бушкі, на гістарычнай Аршаншчыне — Вялікае Бушкава і Малое Бушкава, на гістарычнай Ашмяншчыне — Бушыкі, на гістарычнай Віцебшчыне — Боськава.