Бэргарт Кляўзгайла

Бэргарт Кляўзгайла^[a] — літоўскі баярын.

Бэргарт Кляўзгайла
лац. Berhart Klaŭzgajła / Klaŭzhajła

Асабістыя зьвесткі
Памёр	па 1413
Дзеці	Ян Мінімонт

Вотчынныя ўладаньні знаходзіліся ў Расенах.

Імя

Асноўныя артыкулы: Кляўзгайла і Бэргарт (імя)

Імя Кляўз (Клаўс) звычайна разглядаецца як германскі скарот хрысьціянскага імя Мікалай (Nikolaus)^[1], тым часам іменная аснова -гайл- (-гал-, -гел-) (імёны ліцьвінаў Відзігайла, Інгела, Монтгайла; германскія імёны Widigail, Ingeila, Montigel) паходзіць ад гоцкага і бургундзкага gails 'жвавы, свавольны, ганарысты'^[2].

Варыянты імя ў гістарычных крыніцах: Clawssegail (26 траўня 1390 году)^[3]; Clawsigal von Rossieyn (Clausigal^[4]; 16 чэрвеня 1409 году)^[5]; Clawsygal von Rossieyn (21 чэрвеня 1409 году)^[6]; Berhardus dictus Clausgel^[b] (17 студзеня 1413 году)^[7]; Кловзкгаилу^[8] (1440—1492 гады); Кловзкгайлу (1449—1478)^[9].

Біяграфія

Зь літоўскага баярскага роду. Брак зьвестак пра бацьку.

Упершыню ўпамінаецца ў 1390 годзе сярод верных Вітаўту баяраў Жамойці. У 1409 годзе выехаў туды на даручэньне Вітаўта, каб уздымаць паўстаньне супраць крыжакоў. У 1413 годзе выступаў як сьведка на працэсе супраць Тэўтонскага ордэну^[4].

Меў сына Яна Мінімонта.

Заўвагі

1. На думку летувіскага гісторыка Рымвідаса Пятраўскаса — Бэрнард Клаўсігайла
2. У тым жа дакумэнце: Bernardus dictus Buthouth <…> Gothardus dictus Gotard de Raygel