Бутаўт (імя)
прозьвішча (Butautas) From Wikipedia, the free encyclopedia
Remove ads
Бутаўт (Буталт, Будалт, Бутальд, Бутэлць), Ботаўт (Ботальт) — мужчынскае імя і вытворнае ад яго прозьвішча.
Паходжаньне
Бодэвалд або Бутвалд, Боталд аб Буталд, пазьней Бодвальт, Ботвальд, Бутаўд або Бутаўт (Bodewald[1], Botvald[2], Botuald, Botold[3], Botaldus[4][5][6], Butaldus[7], Bodwalt[8], Botwald[9], Butaud[10], Botault[11], Boutaut[12], Butaut[13]) і Вальдбот (Waldboth[14]) — імёны германскага паходжаньня[15]. Іменная аснова -бут- (-бот-) (імёны ліцьвінаў Бутвід, Бутрык, Вільбут; германскія імёны Botvid, Butariks, Willebut) паходзіць ад усходнегерманскага but- з значэньнем 'корань, камель' (гепідзкае butilo 'камель')[16] або ад асновы -буд- (-бод-)[17], а аснова -валд- (-алд, -олт) (імёны ліцьвінаў Геральт, Левалт, Рамвольт; германскія імёны Gerwald, Lewolt, Romuald) — ад гоцкага і германскага waldan 'валодаць, гаспадарыць' або wulþus 'слава, мажнасьць'[18].
Паводле менскага дасьледніка Алёхны Дайліды, які разьвівае ўсходнегерманскую этымалёгію імёнаў літоўскіх князёў і баяраў, імя Бутаўт складаецца з асноваў -бут- (-бот-) і -тэўд- (-дэўт-, -тыд-) (імёны ліцьвінаў Таўтвід, Таўтывіл, Таўтгерд; германскія імёны Teutwidis, Theudowills, Teutgerdis), якая паходзіць ад гоцкага þiuda[19], германскага þeudo[20] 'род, народ'[21]. Такім парадкам, імя Бутаўт азначае «камель роду»[22]. Адзначалася старажытнае германскае імя Teutobod (Teuto-bod)[23].
Варыянты імя ў гістарычных крыніцах: Rex Butaut (Хроніка Віганда)[24]; Bwtold (Butold[25], 18 студзеня 1401 году)[26]; Bernardus dictus Buthouth (17 студзеня 1413 году)[27]; Butowt Montigalowycz[28], cum Butowdo… cum Stanislaus Buthowthowicz[29], Butowdus… Butowtowicz[30], Butowdum… Stanislaum Butowtowicz[31] (Butowd Montigalowicz[25]; 2 кастрычніка 1413 году)[32]; Buthaw (Ян Длугаш); Jusko Botholtowycz (30 верасьня 1471 году)[33]; nobilibus… Juszkone Butołtowicz (10 жніўня 1474 году)[34]; Вецъ Бутовтовичъ[35], Юри Бутавтовичъ[36], Станислав Бутовтович[37] (1528 год); Бутовт (1538 год)[38]; Станиславъ Петровичъ з Бютовтовичъ (1567 год)[39]; з братомъ Томашомъ Бутовтовичъ (13 жніўня 1586 году)[40]; Casimirus Buttowtt (1619—1690 гады)[41]; Jerzy Butołt Andrzeykowicz[42], Leon Butolt Andrzeykowicz (1690 год)[43]; Roch Butowtt (1806—1816 гады)[44].
Remove ads
Носьбіты
- Бутаўт (каля 1346 — па 1381) — князь дарагічынскі
- Бутаўт Мантыгайлавіч († па 1413) — літоўскі баярын
- Юшка Бутаўтавіч — літоўскі баярын, які ўпамінаецца ў 1471 і 1474 гадох
- Пётар Станіслававіч Бутэлцевіч — расенскі зямянін, які ўпамінаецца ў 1596 годзе[45]
- Юры Янавіч Бутаўтовіч — расенскі зямянін, які ўпамінаецца ў 1600 годзе[46]
- Ботаўты — сужэнцы-фундатары Віленскага францішканскага кляштару ў 1731 годзе[47]
- Тадэвуш Бутаўт Андрайковіч — дзяржаўны дзяяч Вялікага Княства Літоўскага, пісар гродзкі пінскі ў 1777—1785 гадох[48]
- Ігнаці Бутаўт Андрайковіч — дзяржаўны дзяяч Вялікага Княства Літоўскага, падчашы кобрынскі ў 1793—1795 гадох[49]
З XV ст. прыдомкам Будальд (Budold) або Бутальд (Butold) карыстаўся літоўскі шляхецкі род Мантыгайлаў[50].
Бутаўты (Butowt) — літоўскі шляхецкі род з Троцкага павету[51].
Бутаўты Андрайковічы гербу Грыф — літоўскі шляхецкі род.
Ботаўты (Botowt) гербу Грыф — літоўскі шляхецкі род[52].
Бутаўты гербаў Грыф і Пелеш і Бутаўтовічы гербу Гадземба — шляхецкія роды Рэчы Паспалітай[53].
Будалты (Budołt) — літоўскі шляхецкі род[54].
У актах Вялікага Княства Літоўскага ўпамінаўся маёнтак Бутаўты (Бутовты) ва Ўпіцкім павеце[55].
Remove ads
Глядзіце таксама
Крыніцы
Літаратура
Wikiwand - on
Seamless Wikipedia browsing. On steroids.
Remove ads