Віляш

Віляш, Вілюш — мужчынскае імя і вытворнае ад яго прозьвішча.

Willusch
Паходжаньне
Мова(-ы)	германскія
Утворанае ад	Wilo + суфікс з элемэнтам -ш- (-sch-)
Іншыя формы
Варыянт(ы)	Вілюш
Зьвязаныя артыкулы
якія пачынаюцца з «Віляш»

Паходжаньне

Асноўны артыкул: Імёны ліцьвінаў

Вілюш або Віліш (Willusch, Willisch^[1]) — імя германскага паходжаньня^[2][3]. Іменная аснова -віл- (імёны ліцьвінаў Вільбут, Вільгейда, Мунтвіл; германскія імёны Willebut, Williheid, Muntwil) паходзіць ад гоцкага wilja 'воля'^[4].

Этымалягічны слоўнік старапольскіх асабовых імёнаў, выдадзены Польскай акадэміяй навук, адзначае гістарычнае бытаваньне ў Польшчы германскага імя Wilasz (Wilusz, Wilusz)^[5]: Willusius (1336 год), Willusch (1345, 1392 і 1407 гады), Willusz (1367 год), Wylusch (1419, 1456, 1458 і 1490 гады), Wylussz (1455 год), Vilusch (1492 год), Vilusz (1456 год), Vylaz (1475 год)^[6].

У Памор’і бытавала прозьвішча Willasch^[7].

У Чэхіі бытавала германска-славянскія імёны Vileša і Viluš^[8].

У Прусіі адзначалася імя Вілюш: Willuso (1320 год)^[9]; Willusch (1392 год)^[9].

Варыянты імя ў гістарычных крыніцах: бояре земли Жомойтское… Виляшу (1432 год)^[10]; homines videlicet Jaczko Vyliasowicz (18 сакавіка 1496 году)^[11].

Носьбіты

• Віляш — літоўскі баярын, які атрымаў ад вялікага князя Казімера Ягайлавіча чалавека ў Медніцкай воласьці (Жамойць)^[12]
• Станіслаў Паўлавіч Віляшэвіч — расенскі зямянін, які ўпамінаецца ў 1600 годзе^[13]

Вілюшы (Williusz) гербу Божая Воля — літоўскі шляхецкі род зь Віленскага ваяводзтва^[14]

Вільюшы — літоўскі шляхецкі род^[15].